تجهيــزات عرايــــ الإمارات ــس 2006

حبيت اساعدكم بخبرتيه البسيطه اللي عندي


في مجال المكياج ,,,صراحه كل اللي عندي وتمكيجوا عند ريتا بصراحه طلعوا جناااااااان ,,, بس للاسف ما عندي رقمها ,, بس اللي اعرف انها من بوظبي ,,, بس غاليه ومزااااااااااجيه لدرجه ما تتصورونها

يعني تاخذ اذا بتي العين حق المكياج والتسريحة 10 ألاف ,, ومن غير هذا وايد وايد مزاجيه وتعصب بسرعه يعني ما تقدرين تقولين اي كلمه يوم هيه تعدلج او تعلقين على مكياجها ,, بس بصراحه صراحه رووووعه وتخلي الخسف حلوووو


وبعد يمدحووون مركز قنطار اظني في دبي ما ادري الشارجه ,, ربيعة اختي تمكيجت عندهم وتمدحهم وااااااايد وأعتقد ياخذون للعين تقريبا 6000 إذا ما خاب ظني حق مكياج وتسريحة


وصالون موورا بعد يمدحونه ,,, بس أتصور يعتمد على حسب الشخص يعني مب الكل يناسبهم مكياجهم

ممممممممم شو بعد والله مش متذكره الحين ^_^ اذا تذكرت بخبركم



وبالنسبة للاستيديو بصراحه احس انه فوتوغرافيا متصدرهم كلهم مع احترامي لكل الاستيديوهات ,, بس صدق صدق روووووعه وهو في بوظبي


اما عن اسعارهم بتعمد على حسب عدد الصور اللي انتي تبونهم والاكسسوارات اللي اييبونهن معاهن يوم ايين يصورن


انا اللي عرفت انه عندهم اربع ميزانيات حاليا


8000 ,,, وهاي يكون فيها حلو التصوير بس عادي


10000 ,,, تكون فيها اكسسوارات والصور تكون اكثر


120000 ,,, تكون فيها الاكسسوارات احلى وارقى وايضا الصور اكثر


وفيه خدمه يديده مسوينها ب 18 الف ما ادري ب 17 الف ,,, وهاي يسمونها قصه العروس يعني يصورون العروس قبل لا تتعدل لاخر شي

بس ما حد يقرب لي جرب هالخدمه


وهم ما عندهم تصوير فيديو ,, لكن حاليا يشتغلون على هالشي وبيعرضون هالخدمه قريب ^_^ ان شاء الله يوم بعرس بسوي عندهم ادعووووووووولي خخخخخ



هذا كل اللي عندي الحين لي عوده ان شاء الله مره ثانيه واسولف لكم سوالف حلوه *_^

الله يرزقج يالغلا بالزوج الصالح ان شاء الله

الصرااحة انا بعدني ما عرست بس الموضوع مفيد لانه بعد كم شهر ببدأ اتزهب ومحتاجة هذي المعلومات ..

امم بالنسبة للمكياج .. عندج ريتا .. جويل .. منيرة .. سامية .. لميس .. خلود الكويتية يمدحونها بس الصراحة ما جربت عندها .. هيفا صفر في الشارجة .. هذيلا اعرف انهم يتفننون في مكياج العروس ..
طبعا الاسعار تبدأ من ال 5000 درهم وفوق ..


بالنسبة للاستديو .. فوتوغرافية وبس .. احس انه احلى استديو .. وتصويرهم رووعه ..


وعن المصممين .. المصمم الي يضبط ويتفنن في الفساتيين .. سواء كانت فساتيين سهرة او عرس فهو اروشي .. وبالتحديد المصمم مصطفى .. موديلاته خيالية .. وبالنسبة لفستان العروس فيبدأ من ال 10 الاف .. عندج في بوظبي ازار .. بعد تصميمه روووعه وتبدأ الاسعار من ال 15 الف .. عندج بعد نيكولاس جبران .. راحمانيان .. وليد عطا الله .. لادونا للتصميم ..
هذيلا الي في بالي الحينه ..

بالنسبة للجلابيات .. عندج الاسطورة واايد جلاليبهم فخمة .. بيت الاصايل .. اليشمك .. راجو بلازا .. شيتال .. ارتيزانيا ..

بالنسبة للعبايات والشيل .. عندج في دبي مركز بوهيل .. first choice .. ماي فير ليدي .. حبايبيب .. عبدالله حسين خنجي .. لارين .. ارابيسك .. وفي الخالدية عندج البثنة وغواني .. منزليم موديلات يديدة ورخيصة .. يعني الطقم -عبايا وشيله - على450 درهم ..

هذا الي في بالي الحينه وان شاء الله لي رجعه ثانية :)

مرحبا الغالين وهلا فيكم الغلا وبنت دار زايد والرومنسبه والله يزقكم بالزوج الصالح اما انا لا ؟؟ لا تخافون مب راهبه بس عسب اني معرسه هههههههههه

انا الصراحه صار لي الحمدلله اربع سنوات معرسه بس كنت مزهبه حق حمياتي من فتره لان عروسهم خلالل اسبوعين من ناحبة الصالونات العرايس عند عذبه وهم شايفين تعديلها والبنات عند صالون غاده اللي فيالشارجه اما العبي والشيل مشكلين منهم في مركز ساره اللي في الشارجه ومنهم في عيمان عند البلسم وبلاك اند وايت يعني سوق العبي والشيل في عيمان واسعارهم حلوه يعني الشيل علي 130 والعبي علي 400والتشكيله اللي تحبينها والصراحه ريخيصه والجلابيات من السوق الجديم في الشارجه عند راجوه بلازا والجادي وغيرهموالجلابيات ماتتعدي 50 وشي منهم 100 دلرهم طبعا عقب الكاسر لين مصرطج يطيح وياهم ،، والاكسسوارات من كل حدب وصوب شي من القريه العالميه شي من الشارجه يعني ملقطه،، والكوشه الصراحه مادري من وين الفساتين من عند وحده اسمها ندي في الشارجه تاجير بس لايعلي عليهم والحنا عند المراسم مع الحف والتصوير عند اضواء المدينه انا تصويري كان العدسه الذهبيه اعتقد كان 4000 درهم وهم بعد بس يمكن 4500
وشو بعد؟؟؟؟ صبروا خلوني اتذكر هيه البدلات عند المصانع في عيمان واسعارهم وايد حلوه وشيمن الشارجه حتي الانجري؟؟؟؟ ومادري هذا اللي اتذكره تري بنتي مطفرتنيه عسب جيه متلخبطه .... يوم بتذكر برد عليكم :27:

مشكوره للموضوع لانه اليوم كنت ناويه افتح موضوع خاص النا ناخذ فكره لزهبات

ان شاءالله تعرسين عن قريب لانه الامير موجود منتظر تاكلين التفاحه الحمره وبكون موجود عندج ((((((((((((((((((((((((((((((((((((((سخيفه)))))))))))))))))))))))))))))))))))


شوفي اختي انا تجهزت وما تجهزت

الفستان انتظر من انتهاء التصميم

المكياج الحمدالله اخترت وبتوكل عالله اتريا وحده فنانه تمكيج خواتي ((منو الاحسن)) ابغيهم يطلعون عرايس

جلا بيات اشتريت باقي المخاوير مشكلتي اني ما البس لا جلابيات ولا مخاوير اهلي زوجي موصين زهبتج فيها مخاوير وجلابيات
اموت عالبنطلون والبلايز والتنانير ((خذيت وقاعده البسهم )) خخخخخخخخخخ
قمصان النوم اتريا يوصل من الخارج وان شاءالله مستور


التصوير فوتغرافيا انا خبرت زوجي لانه هو الي بيحجز (( فكره حلوه عن قصه العروس ما أظن اهلي بيرضون لانه كل صوري وانا عاريه ههههههههي مش عاريه عاريه يعني متشلحه يعني الكوارع افهومها

الكوشه ان شاءالله بعد اسبوع اتريا زوجي يكون موجود ونروح البداد لانه يمدحون كوشاتهم وبخبركم ان شاءالله

تعبيت

تصبحون عالخير

تسلمن خواتي على التواجد والتفاعل ,, بصراحه ما توقعت هالتفاعل


الحمدلله انكم جبرتوا بخاطريه ههههههههههههه


^_^


حبيت ازيد على ختيه بنت دار زايد بالنسبة للمصممين ,,, عندكم اليزابيث تصمم فساتين اعراس وسهرات رووووعه ,,, وزهير مراد واسكاليني ,, وعندكم في العين جلامور


وبالنسبة للخياييط في العين الوفاااااااااء متصدر القائمه ^_^ ,,, يعني اللي تبا تسوي طبعه وهالسوالف تسير صوبه وصدقوني ما بتندم بس شوي يعني غالي


وبالنسبة للعبايا ,, عندكم ماي فير ليدي ، موزان ، حناين ، المتحجبه ,, هذا طبعا اللي اذكره الحين

وعشان البدلات يا كثر المحلات الموجودات ,,, مانجو ، زارا ، XOXO ، سبلاش ، نيكست ، برامود ، ممممممممم فيه محلات بس نسيت اساميهن ^_^


لي عوده ان شاء الله

وأتمنى كل وحده تخبرنا شو سوت ببشرتها وين نظفتها ووين تسوي تقشير وحمام مغربي وهالسوالف ^_^