والله ياحبي لنا نبكي انا وامي واخواني كل مره تروح لنا شغاله
لا واروح المطار لازم اسوي فلم هندي لما اودعهن

إلا الأخيره كرهناها فرحت معها المطار لجل احس بالفرحه وهي تدخل صالة المغادره
واهلي كلهم ارتاحو بعد ماراحت :27:

الحاليه : اشك اننا بنبكي لانها جامده شوي هي طيبه بس مايبين فمانحبها مثل الأوليات :04:

يستفاد مما ذكر ولاشي هههههههههه امزح انه شعورك طبيعي ..

أشوف رد فعل طبيعي

عشرة سنتين ونص موهينة واذا انت طيبة معاها أصبحت وحدة من البيت

لا تستغربين من مشاعرك

انا بيوم اللي سافرت خدامتي مع اني ماكنت أحبها كثيريعني معاها عادية لكن يوم اللي سافرت تضايقت وحسيت بضيق لكن هدأت على نفسي

يا حبيبتي هذا من طيب أصلج ..
ابن الحلال ما اتهون عليه العشره ...

نحن كلنا مثلج تقريبا ...

أمي وخواتي لااااااازم يصيحون على خدمهم ..
وانا الحمدالله للحين ما جبت خدامه والله يقدرني وما احتاج لهم أبد ان شاء الله ..

وبتستغربين لو قلتلج انه عمتي ام زوجي تعامل خدمها مثل الحيوانات ..
لا ترحمهم في شغل ولا في نوم ولا أكل ولا أي شي .. كل شي تتخيلينه من أنواع التعذيب تذوقهم اياه .. و 24 ساعه نسمع صياحهم وشجارهم المستمر حتى على الفجر والله تضاربهم لانهم مثلا تأخروا في النشه .. وطبيعي بيتأخرون دام انهم يشتغلون للساعه وحده بالليل ..؟؟ وتعالي شوفيهم لحظه فراقها .. يصيحــــــــــــون ويبوسونها والمصيبه الادهى انها هي بعد تصيح على فراقهم وتندب حظها لانه هاي راحت وتمدح فيها وتذم الخدامه اللي يت بعدها وتعايرها باللي راحت انها كانت أحسن .. و والله انه كل خدامه يتها كانت قمه في الاخلاق والاحترام والشغل لكن .... كل انسان يوصل لمرحله من الصبر وينفجر ...

والله يكسرون خاطري الخدامات اللي يشتغلون عندها وأرحم حالهم والله اني أعطيهم أكل بالسر من ورى عمتي علشان يتعشون عليه مثلا أو خفايف .. مساكين يكسرون الخاطر ما تحاتيهم في أي شر لا بأكل ولا بغيره ... بس تبي كل شي على أكمل وجه ..!!

حتى خدامتها هاي اللي راحت كسرت خاطري ودها تشتري لعيالها قبل لا تروح بس ما رضت توديها السوق لا تخترب ؟؟؟ ما هي رايحه رايحه ..!! رحت أنا بدون علمها وشريت لها أشياء وعطيتها من عندي ألعاب لعيالها و حلويات وملابس وشغلات بسيطه ... بس فرحت فيها مسكينه ...

و الحمدالله رب العالمين على كل حال ....

ياحليلك والله
يوم راحت شغالتي شايله هم عيالي لايفقدونها وبالاخير فقدتها انا قبلهم وصياح ونياح انا وبناتي وكلموها كم مره وهم يصيحون الا درجة ادخل غرفتها واشوف بعض اغراضها وملابسها واقعد اشخر واصيح وماادخل قسمها واطلع الا وعيوني حمر وخشمي احمر
والله يعيننا على هالحال