تكوني مثلا شخص حالها حال نفسها ومالها بأحد ابببد ولكن تفاجئي بان ناس مستلمينك من كل جهة زوجك مستلمنك بسالفة مديرة في الدوام مستلمنك ووحدة معاك فالدوام بعد مستلمتنك وهلك في البيت بعد تلقين مستلمينك من كل جهة وحتى مثلا يوم تزوجتي وانتي بعيدة عنهم توصلك المشاكل.
يعني باختصار تجيك التهايم وانت نايم يعني توصلك سوالف قيل وقال وفعلتي وانتي يمكن ماقلتي ولم تفعلي ولم تجلسسي مع فلانة ولاعلانة وحالك حال نفسك توك بسم الله كل يوم تقولي بتفاؤل نبدأ هاليوم بسم الله وتوك بسم الله تلقي الكل مستلمنك من كل جهة رغم انك ماضريتيهم وماعمرك تمنيتي لهم شر بس بالمقابل تلقي من يتمناه لك وتحاول تحطمك من الاناث والذكور في محيطك.
هل احد مرت بالهالحالة وكيف تخطتها مع مثل هالعاهات هدول .
أنا صارلي فترة طويلة اعاني من هااشيء ولاادري هل هو سبب لان حالي حال نفسي هل لازم يعني اسوي مصايب واتعارك مع الناس عشان لاتجيني المصايب وأنا ماسويتها🤯
واحيانا ناس مستلمينك من وراء ظهرك يعني العدو من امامك ومن خلفك وماتدري ليش معادينك لهدرجة انتي ماضريتهم لهدرجة مقهورين من الملكة لاحول ولاقوة الا بالله ولامنصب وزيرة اوملكة وأنا انسانة عادية مرة مابعرف ليش هالعداوات الله بشغلهم بنفسهم لاني يعاني من هااشيء في كل شيء فحياتي زواج دوام علاقات واقارب وكل حاجة مدري لمتى وأنا عارفة انه ابتلاء والدنيا دار ابتلاء لكن معقولة ناس مانضرهم وودهم يضرونا ومع ذلك يظهرون العكس ياعزيز يامنتقم👽
حتى لما اشتغلت في محل جزم تكرمون عندي اعداء وبنات الدوام معاديني وحدة وتبغى منصبي معقولة في ناس كذا في الدنيا مشافيح على الرزق حسبي الله على المشافيح والله تعبت من هالناس ضروني وأنا ماضريتهم😭