تحاميل العسل وطلع النخيل

السلام عليكم ورحمة الله وبركاته
بدات الشهر دا استخدام تحاميل الطلع والعسل لكن مني عارفة اسويها تسيح مرة وماباقدر احطها ودمي بينحرق لانه العسل والطلع غاليين ومني قادرة اسويها اقوم ارميها كيف اسويها
سؤال تاني قبل اربعة سنين لاول مرة تتاخر دورتي خمسة ايام وانا من غبائي قمت دفيت المكتبة دفة خفيفة وكنت في هداك الشهر اخدة كلوميد المهم بعدها بساعتين نزلت الدورة في اعصر ولحد الليل مغص يقتل المهم في اخر الليل نزلت قطعة قد الكف تقريبا وريتها لامي قالتلي روحي المستشفى رحت كان مافي الا الطوارئ المهم حطتها الدكتورة في علبة بمحلول قالتلي لو دابت دورةلو مادابت اسلاب فرحت وزعلت المهم لتاني يوم زي ماهي وسبحان الله كانها جنين الين شكل العين واضح كانه بدء يتشكل انا الي محيرني انه الدورة بس اتاخرت خمسة ايام كيف اذا كان جنين حجمه يكون كبير كدا يعني كانه حق شهرين او تلاتة ومن بعدها ماسار حمل
مين سار معاها كدا