اختي الغاليه لاتنسوا اسرانا بارك الله فيكي وبارك لك في زوجك وعيالك و مشكوره
ا حبيبتي على اهتمامك وسعة صدرك...انا تابعت موضوعك نظام فيافي بعد التعديل من قبل
لااسجل في المنتدى وجزاك الله خيرا عليه....بس ياريت تجاوبيني على بعض الاسئله اللي اشكلت علي....
لاني الحين في الشهر السابع الله يسهل علي وعلى كل مسلمه.....متى ابداء اشتري الاعشاب واجهزها؟؟
مانوع السمن البلدي اللي يستعمل مع الرشاد ؟؟وهل غسل الشعر كل يوم اثناء النظام يؤثر لاني في النفاس
اسوي حمامات الزيت والخلطات حق الشعر والجسم بعد؟؟
سامحيني على الاطاله وجزيتي خيرا:26: :26:

الله يعطيكِ العافيه ويجزاك خير..

أم نرمين
العفو ,, شكرا على المرور وحياج :26:

==============
شذى وندى

ويعافيج ويجزيج بمثله
ترا قاعد ياذن والدعوه تنقبل ياذن الله
شكرا على المرور وحياج :26:

الله يسلمج يارب ,, جزاج الله خير بحزة الاذان هذي ويقبل دعوتج ويكتبلج مثلها
الله يهون عليج ويقومج بالسلامه

انا شريت الاعشاب من الشهر الثامن وسويتها في بداية التاسع وتحضريها ماياخذ الا يومين ,,بس اذا خايفه تولدين مبجر اشتريها الحين

السمن الاصلي مال البدو ,, اللي يجيج اصفر على اخضر وهو سمن الخروف واللي يحطون معاه شوية دبس عشان مايخترب وديري بالج من السمن العادي او السوري وانا شريت الكيلو ب 10 دنانير

اكيد غسل الشعر حتى ايام الدوره مو زين لانه يدخل هوا بالراس
وانا بدون دوره ولا نفاس اذا تسبحت وتعرضت للهوا امرض شلون وانا نفاس ؟
اعرف وحده بنت مو متزوجه صفقها هوا المكيف وحاشها فري ودوخه وبس طايحه الله يشفيها

تبين تسوين حمامات زين كيفج ,, بس انطري بعد اسبوعين عالاقل لما يخف الدم او ينقطع احسن لان خلطات الشعر تبرد الراس

اما الجسم الافضل في بداية اخر 20 يوم ,, يعني من اليوم ال 21 بس عاد مو كل يوم ,, يكفي مرتين بالاسبوع

لااطاله ولا شي حياج الله وجزيتي بمثله امين :26:

مشكوره الله يخليك يارب العالمين ان شاء الله اطبقه على الدوره القادمه وينظبط معي وادعيلي
والله يجعل ذريتك صالحه ويجعلهم من اهل الخير ويوفقك انتي وزوجك يا رب :26: