مريم1984 @mrym1984

عضوة نشيطة

تحبه ومو متاكده من حبه لها .. ياريت تعطوني رايكم

السلام عليكم ورحمة الله

صراحة بغيت اعرض لكم مشكلة وحده من مشاكل بناتنا هذه الايام
وصارت مع الكثير.. وهذه المشكلة صارت لوحده من قريباتي..

اليكم القصة :(

هي فتاة عمرها 22 سنة ..من عائلة متوسطة الدخل.. وليس عندها اخوات سوى اخ واحد فقط ومتزوج..ووالدتها ووالدها مو متعلمين .. وتفكيرهم تفكير قديم ..لكنهم احسنوا تربيتها..

احبت واحد من خلال الانترنت والشات .. وكلمته بالهاتف لمدة شهور.. وقالها انه ابن لاحد كبار الشخصيات بالدولة :232: وانه عنده سيارة اخر موديل وبيت وارض وشركة حق ابوه وكلشي ممكن تحلم فيه اي بنت من بنات هالعصر.. وخاصة بنت في مستواها الاجتماعي البسيط والمحدود..

وكان الحبيب كل يوم يالف من عنده قصة عشان هي تصدق كلامه وتصدق ان هو فعلا عنده كل هالخير..

وكان دايما يلح عليها انها تجي عنده بيتهم وتقول لاهلها انها رايحة بيت وحده من صديقاتها.. او يتقابلون في اي مكان يكونون فيهم هم اثنينهم بروحهم..

والبنت كانت خايفة على نفسها كثير وفي نفس الوقت كانت حاسة انه قاعد يفكر في شي راح يضرها.. وبعد اهم شي ان اهلها ما كانوا يسمحون لها انها تروح عند احد من صديقاتها الا اذا كانو يعرفون اهل صديقاتها عدل وتروح معاها امها او الخدامة..
عشان كذا كانت تصرفه وتقول له انا ماقدر اجي عندك واهلي ما يرضون بهالشي ووو..الخ

لحد ما جا يوم من الايام وقالت له البنت انها راح تسافر مع اهلها لمدة شهر سياحة

ولما سمع الحبيب الخبر طلب منها انه يقابلها في احد الاسواق وصار لهم 4 شهور حب.. وفعلا قابلته وهناك طلب منها شي ثاني.. تخيلو شطلب؟؟

طلب انه يبوسها على شفايفها.. وصار هالشي بالفعل..

بعدها بكم يوم البنت سافرت لمدة شهر وكانت يوميا تسوي حق حبيبها مسجات ورسايل او تتصل له وتسمع صوته حتى لو خمس دقايق لدرجة انها خلت على فاتورتها الوف عشان بس تكلم فارس احلامها..

قبل ماترجع البنت من سفرتها صارحها الحبيب وقالها ترى اناااااا

(اجنــــــــــــــــــــــبي ) وماقدر اتزوجج انتي خليجية وزواجي منج مستحيل.. لان اكيد اهلها ماراح يرضون بهالشي ابدا.. ولا المجتمع اللي حواليها..
خاصة انها بنت من عائلة محترمة وبنت متعلمة وممكن انها تشتغل ويكون لها راتب جيد.. واهلها طبعا بيعتقدون ان هالاجنبي راح يستغلها ويثبت نفسه عن طريقها وغير ان عاداتهم وتقاليدهم غير عن عاداتنا في الخليج .. والبنت راح تنظلم معاه كثير..

طبعا هني البنت انصدمت من اللي قالها .. وقالت له انك كذاب ومخداع ليش دمرت حياتي بحبك وليش خليتني اصدق ..وخليتني لعبة بين يديك انت كذاب وووو..الخ

تدرون بشنو رد عليها؟

قالها والله انا ما جبتج عندي بالبيت ولا سويت معاج شي غلط لحد الحين عشان تقولين لي كذاب ومخادع؟؟؟ شوفوا الرد

طبعا البنت بكت وفي نفس الوقت اصرت انها ما تكلمه ابدا..لحد مارجعت بلادها..وفي نفس اليوم حست انها ماتقدر تستغنى عنه..وان يمكن هو معذور وماكان يبي يقول لها الحقيقة عشان حبيبته ما تبتعد عنده..

طبعا راحت واتصلت فيه وكلمته مرة ثانيه ورجع كلشي مكانه لمدة شهر اخر..

بعدها قالها خلاااااص انتي لازم تشوفين حياتج انا اجنبي وانتي خليجية وزواجنا مستحيل ومحد راح يتقبله عشان كذا لازم كل واحد يروح لحاله..
وللاسف ذالك اليوم كان يوم عيد ميلادها يعني ما بغى يغثها الا يوم ميلادها عاد..

هني البنت بكت وواااااااااااااااااايييييييييد وماعرفت شتسوي ماعرفت شلون تلقى طريقة عشان عمرهم ما يفترقون.. كلمت امها وقالت لها - بس بطريقة ثانيه -

قالت لها في وحده اجنبية من صديقاتي واخوها يبي يتزوجني شرايج يامي..

هني الام عصبت وقالت لا يمكن هالشي يصير لازم يكون عنده جواز على الاقل..

البنت قالت في نفسها السالفة سالفة جواز وبس؟؟...فكرت طول الليل شلون تطلع حق حبيبها جواز عشان ما يبتعد عنها..

اكمل لكم القصة بعدين بس بغيت اسمع رايكم فيها لحد الحين

يلزم عليك تسجيل الدخول أولًا لكتابة تعليق.

تسجيل دخول

اسيرة نوري • 18 سنة

هذا يلعب عليها وكذاب وهي ماعندها تفكير وكل شيء وااااضح وضوح الشمس

الله يهديها ويبعدها عن الحرااااااااام

وبس خلها تتوب وتبتعد عنه ولاتفكر ابد بهالاشياء مره ثانيه
خل تعيش حياتها مرتاحه بدون هالذنوب

وبس من الحجج الواهيه اللي يتحجج فيها

خل تفكر بالعقل مب بالقلب
الله يهديها

مريم1984 • 18 سنة

اختي كلامج صحيح

بس هي بنت وحيده لامها وابوها وماعندها احد تروح له ولا عندها صديقات
وهذا اول حب بحياتها
وعندها فراغ عاطفي كبير جدا
ووالرجال استغل طيبتها ونيتها الصافية

ياريت تعطوني ارائكم في هالشي

باربي3 • 18 سنة

من تعجل بالشئ قبل اوانه
عوقب بحرمانه
وربنا الهادي

*&( إنطلاقة ثقه )&* • 18 سنة

واضح انه مايحبها وواضح انه كان يدور شي من وراها وهذا واضح من ردوده ولما ماحصله خلاص يبي يبعد بعدين ليش هي مصره تبيه وهو مايبيها
وهي برضوا حرام عليها ماتخاف الله ماتصلي(ان الصلاة تنهى عن الفحشاء والمنكر)
صراحه لاتزعلين من كلامي هذي الحقيقه وبدل ماتدورين معاها حل انصحيها تخاف الله وتتوب وتستغفر اللي قاعده تسويه
اللهم اصلحنا واصلح بنات المسلمين

مجرد رأي

قلب فراشه وطاووس • 18 سنة

اسيرة نوري :

هذا يلعب عليها وكذاب وهي ماعندها تفكير وكل شيء وااااضح وضوح الشمس الله يهديها ويبعدها عن الحرااااااااام وبس خلها تتوب وتبتعد عنه ولاتفكر ابد بهالاشياء مره ثانيه خل تعيش حياتها مرتاحه بدون هالذنوب وبس من الحجج الواهيه اللي يتحجج فيها خل تفكر بالعقل مب بالقلب الله يهديها

هذا يلعب عليها وكذاب وهي ماعندها تفكير وكل شيء وااااضح وضوح الشمس الله يهديها ويبعدها عن...