تحبون الذهب اكيد بتحصلونه في مياه حي الدخل المحدود في الرياض

السلام عليكم ورحمة الله وبركاته

والله انا بتكلم عن شيء بصراحه ارهق كثير من سكان هالحي
وهو إنقطاع المياه عنهم لأيام تصل للعشرين يوم متواصله
وإذا اانفتحت ماتكمل يومها ابدبتقولون حلها بسيط وانا معكم
أقرب وايت ماء وتنتهي المشكله

ولكن من نفكر بالوايت تبداء مشاكل كثيره منها اسعار الوايتات المجنونه
واللي تصل لسعر خيالي خيالي بكل ماتعنيه الكلمه من معنى لها
والأدهى والأمر ان اللي بيدفع أكثر يشيل من بين يديك
ولكم ان تتخيلون القائمه الحين

150 ريال سعودي ياليت امنيه مستحيله في حال انقطاع الماء هناك


المصيبه انها تصل ((800 ))ريال سعودي :09::09::09: وفي ديرة أبو متعب الله يطول عمره

واللي زاد الطين بله اني اتصلت على هاالرقم ابي ابلغ عن الأسعار 8001214616 لحماية المستهلك
واللي تكرم علي ورد انهم مالهم اختصاص في هالشي وهو من إختصاص شركة المياه

واللي اتمناه ان صوتي يصل للمسؤولين ويحلون هالمشكله