تحبون تعرفون ليش اسمي صرخة الحرمان

( رب اخاك لم تلده أمك) وفعلا هذا اللي حسيته معاكم الله لايحرمني منكم
صرخة الحرماااااااااااااااااااااان
أنا حبيت هالاسم بكل حروفه لانه يمثلني ويمثل حرماني واكيد عارفين ليش:
1-الحرمان من الصدرالحنون(الام)
2-الحرمان من السندوالظهر(الاب)
3-الحرمان من الحب والاستقرار(الزوج)
الحرمان الثالث هو موضوعي اليوم وازمتي اللي امر فيهاالان وبهالموضوع ابيكم تساعدوني بالدعاء ,موضوعي الاول والثاني كان مجرد فضفضة اما هذا فابي الحل خلااااااااااااااااااااص ضاقت بي الدنيا بما رحبت الله لايضيقها على احد, بنات افهموني انا مو شفقانه على الزواج بحد ذاته انا ابي احس بالاستقرار بعد الضياع بالامان بعد الخوف انا اخاف من بكره بطريقة جنونية مع اني عارفة ان الله مايضيع احد بس يمكن عشان لاأم ولاأب فافكر وين اروح مستحيل اكرر نفس المعاناة وارجع اعيش عند اخواني وحريمهم طيب وين اروح لاتقولون المستقبل قدامك!!!!!!!!!!!!
انا عمري27سنة وماتزوجت واكمل قصتي لكم واخر ماحكيتلكم مرارة الاربع سنوات اللي شفتها عند اخواني بعد كذا تخرجت من الكلية ورجعت بيتنا عند اخواني الاشقاء حتسألوني كيف رجعت وهم من الاساس كانوا رافضين اجلس ببيتنا؟؟؟؟؟؟؟؟؟اجاوبكم يوم كنت ادرس كنت احكي لاخواني الاشقاء معاملة اخوي اللي من ابوي وزوجته لي (الله يسامحهم) واخواني يعرفوني زين ماني راعية مشاكل ومن حالي في شاني ودايم يقولون لي لا تسكتين خذي حقك و كان واحد منهم يقول اذا بتزوجوني وحدة مثل صرخة الحرمان ولا ماابي المهم رجعت البيت حتى احيانا اقولهم طيب دامني رجعت البيت ليش خليتوني اطلع من الاول واشوف اللي شفته ولا لازم اتعذب واتمرمط المهم بعد سنه من تخرجي انخطبت لواحد حافظ قران واهله طيبين وامه عسل وكل وحدة حبت الثانية لان لقينا في بعضنا اللي ناقصنا انا ناقصني الام فكانت لي نعم الام وهي ماعندها بنات فصرت لها مثل بنتها والله يا بنات كانت تكلمني يوم ورا يوم واحيانا يوميا واذا مرضت تكلمني كل شوي وكان لها الفضل بعد الله اني حفظت سورة البقرة وبطلت اغاني لانهم عايلة ملتزمة وحبيت ولدها للالتزامه ومو راعي سهرات مثل الشباب من البيت للكلية ومع ذلك محبوب من الكل وقعدت مخطوبة سنتين كانت اول احلى ايام عمري وكان وضعنا خطوبة فقط مافي ملكة وهذي رحمة من الله لان مافي مكالمات ولا كان تعلقت بزيادة المهم حصلت مشاكل وكان كل واحد منا متعلق بالثاني وكانت امه دايم توصللي اشعاره فيني وكلامه عني وطبعا انا ماكنت اقدر اقولها مشاعري (مكتوب علي طول عمري اكتم حزني وفرحي)وتخيلوا مرتين افصل فستان ملكة وتحصل مشاكل وينتهي الموضوع لان كل واحد من اخواني يبدي رايه فتحصل المشاكل وينكسر قلبي وكأن الفرحة محرومة علي (اللهم لا اعتراض)وفي النهاية كل شي انتهى وتركني والحين زواجه بالصيف بس رجاء بنات ولا وحدة تدعي عليه اذا تحبوني ادعوله الله يوفقه مع ........والله مو قادرة اكتبها لاتقولون هو لو يبيكي كان تمسك فيك هو كان يحبني وكان دايم يطلب يتملك علي واخواني يرفضون ويرد يطلب اكثر من مرة واللي حوالينا يعرفون حبه لي ويقولون يابختك فيه لدرجة انه في سنة من السنوات كان اجازة صيفية وسافروا اهله وهو جلس كل الصيفية بعز الحر يكمل ترم صيفي عشان يخلص بسرعة لان كان هذااساس المشكلةان اخواني شارطين مافي ملكة الا بعد التخرج والوظيفة وفي الاخير كل شي انتهى وانتهت فرحتي معاه ومن بعدها ثلاث سنوات قاعده انتظر حد يدخل الفرحة بقلبي واذا احد كلم اخواني او حريم يكلمون خواتي عشان يتقدمون ماعاد نشوفهم مرة ثانية ماادري نصيبي باقي ما جا او ان احد عاملي عمل وانا ما احب افكر بهاالاشياء بس الواقع يحكي بنات احيانا لما ادخل الحمام وانتوا بكرامة وقسم بالله اسحب شعر من تحت واذا رحت اقرا عند شيخ ينزل معاي دم وشي اسود شفتوا الهم اللي انافيه الاقيها من وين ولا وين انا اشكي قعدتي للحين بدون زواج ولا اشكي فراق امي وابوي ولا اشكي هالسحر وش اسوي خاصة ان اخواني رافضين اروح لشيخ لاني كم مرة رحت مع اختي بدون مايدرون يعني لايساعدوني ولا يخلوني اساعد نفسي وانا خلاص ماعاد اتحمل تخيلوا عايشه في البيت لوحدي وانا قلتلكم في البيت انا و2من اخواني بس تعرفون العيال دايم برى البيت وانا حنجن من الوحدة والهدوء اللي انا فيه.......
بنات اعذروني يمكن اكثر وحدة تكتب انا بس هذي آخرة اللي تسكت يجيلها يوم تنفجر مثلي فقولولي وش اسوي بعمري تكفوووووووووووووووووووووون لاتخلوني