ياهلا والله وغلا بخواتي ،،،
اليوم جيت لكم بفكره هي بالاساس عجينه بف اكثر من رائعه زدت عليها وصرت اتفنن فيها
مره احشيها جبنه
مره اخليها كما هي واقدمها مع الشاهي
ومره اسقيها عسل _ شيره _ توفي وازينها بجوز هند او سمسم او حبه البركه
واحيانا كثيره اقطعها بقطاعات على شكل بطه او ورده واو نجمه لاطفالي
سهله وخفيفه مـــع انها مقليه
نخش على طووووووووووووووووول للمقادير
علبه قشطه
نصف ملعقه شاي ملح
8 حبات جبنه مثلثات وتقدرين تضيفين معها اي نوع جبنه انتي تحبينه
نصف ملعقه بكنج بودر
حبه سوداء _ سمسم اختياري والكميه حسب ذوقك
طحين
الطريقه
في زبديه نجمع جميع المقادير ما عدا الطحين ونعجنها انا بالنسبه لي اعجنها بيدي
وابدا اضيف طحين لحد ما تتكون عندي عجينه متماسكه تشبه عجينه الفطائر وما تلزق باليد
واغطيها واتركها ربع ساعه وممكن تشتغلين فيها مباشره
وبعدها نقطعها بالشكل اللي نحبه سواء بقطاعات اشكال انا هنا قطعتها مربعات لكن لك حرية في تقطيعها
وهنا تقدرين تحشينها جبنه او حتى لحمه مفرومه بتطلع رررررررررررروعه
ونقليها عادي زيت غزير بس طبعا اربعه حبات بكل مره
ونقدمها مباشره مع شاهي نعناع خصوصا هالايام وقت المباريات نفع مرررررررررررررررررررررره
او تسقيها شيره او توفي او عسل اللي تحبي وزينيه بالشكل اللي ترغبينه انا هنا زينته بالسمسم والحبه السوداء عمدا علشان اللي عندي ما ياكلون الحبه السوداء الا كذا :D
وجهزي الشاي بالنعناع او الزنجبيل
او قهوه اذا كانت حااااليه
ولا تنسونا من دعواااتكم :27: