ياسلام ع هالموضوع :32:

يكفيك من اجر هالموضوع انشراح صدر كل زوجه قرات هالموضوع
ويكفيك حماس كل زوجه بعد ماقرات هالموضوع
ويكفيك سعاده اسره كامله باذن الله بتطبيق ما كتبتي في هذا الموضوع

اغبطك :27:

وربي يسعدك ويسخر لك زوجك ويجزيك خير :26:

..

.

اختيـ هدير الماء
الحل بيدك يالغاليه
اولا تعوديهم على النوم مبكرا ً
والنهوض مبكرا ً

النهوض مبكرا ً للاطفال قبل مرحله الدراسه للفطور واللعب بلاي ستيشن او جهزي لهم فيديو مع اشرطه اطفال يتسلون فيها

الي يدرس يرجع من المدرسه ماينام ممنوع ينام بعد مايصلي العشاء ويتعشى ويجلس مع ابوه ساعه لما يوصل من برا خلاص يسلم على ابوه ويطلع ينام

اذ مافيه امل ماينام بعد المدرسه ينام بس ساعه او ساعه ونص لا اكثرر ويقوم يذاكر ويعيش باقي يومه

خليك شديده وصممي انهم يمشون على هالقوانين الجديده وصدقيني صحه لهم واريح لك وسعاده لزوجك ولبيتك باذن الله :)

وبالتوفيق :26:

..

.

هلا بك اكثر يالغاليه

:29:وبعدين لايغرك هالاسم ترا الشخصيه عكسيه جدا الا في بعض الحالات :13: نستعين بالعناد لانه يجيب نتجيه تهبل :23:


اممممم :29: بتقولين شو جايبها هذي مره ثانيه <<< والله كنت اتمشي وسمعت انه هدير الماء مسوي عرض لدعوه خياليه قلت يالله نسجل يمكن ربـــــــــــــــــــــــــــــــــــــــــي يستجيب دعواها ونكون جميعا بجنات الفردوس الاعلى ...


والحين نتوجه لاختنا في هدير الماء


مين عندها نفس مشكلتي؟؟؟:27: انا عندي

او عندها لي حل ؟؟:27: موجود عندي

وعلى فكره انا ما احب اوديهم عند احد واساسا ما في اماكن مناسبه اوديهم لها:29: ليش تودينهم عند احد يالغاليه انتي عيالج يطلعون عيونج بمشاكل ويالله تتحملينهم فلا تفكري تودينهم عند احد شوماكان السبب الا في حالة الطوارئ الله يبعدها عنكم

انا يالغاليه عندي عيال اكبرهم بخامس ابتدائي واصغرهم سنتين ونص ...ودوام زوجي يبداء من 6 الين 1 ودوامه الثاني بالكليه يبداء من 4.5 الين 10 يعني مسؤوليه تطلع العيون من كبرها بس الله يعين العبد لما يكون دائما يذكره ...

انتي تبين الحل ...


الحــــــــل :

تغيرين مواعيد نومك انتي اول شئ علشان يضبط كل شئ يعني ...تنامين بوقت نوم عيالك وزوجك وتصحين بنفس الوقت ... لانه لو كنتي من النوع الي يسهر كثير كثير ماراح تقدري على شئ مادري عندك شغاله ولا لا؟؟

المهم

اول ماتصحين الصبح وتصلين وتفلحين ...عدلي شويه هالويه بكريم نهاري ومسكره خفيفه ومرطب فرواله :23:احبه وايد
وهالشعر لفيه ولا فكيه ولا شوفي له اي صرفه غير الشيله طبعا ....
جهزي الفطور خلي فطور ابو الشباب بالمطبخ وجيبي بيدك فطور الصغار ...
عيالك اذا كانوا يصحون الصبح بيكون اريح لج واذا لا انتي صحيهم لما تصحين الي يروح المدرسه بعد مايطلع ولدج ربي يحفظه امسكي الصغار سبحيهم وفطريهم ودخليهم عند التلفزيون الي يشرب رضاعه حطيها له والي كبير خليه ينسدح قدام التلفزيون ولا حطي لهم العابهم وقولي لهم :30:مابي ولا صوت واقفلي باب الغرفه عليهم ...بس انتبهي انه تكون الغرفه مؤمنه انج تقدرين تغيبين عنهم هالنص الساعه الي بتكونين تفطرين ابو الشباب ...

روحي لابو الشباب وبيدك فطورك والبخور بخري له فوطته لما بيكون بالحمام ومدها بيدك الحلوه له ...ورتبي الغرفه عالسريع وبخريها ومن يطلع :42: اكشخي له بهالاسنان بابتسامه عريضه تخليه :32: ...المهم بعد مايفطر ويطلع بحفظ الله روحي خلصي الي عندك لو ماعندك شغاله ولو عندك سوي مثلي لطخي عمرج من هالخلطات والزيوت افتحي المنتدى وشوفي لج قائمه للعشوه :29: يحظك ماتشوفين حوسة الغدا عندي اه بس :06:

واذا بغيتي تنامي يكون افضل روحي نامي شويه وقولي لشغالتك خلي كل شئ بيدك وانتبهي للاطفال ...
المهم عيالج الصغار بيضلوا صامدين بدون نوم الين 10.5 الي 11 وبعدين بتشوفين عليهم علامات النعاس بينامون لانهم مب متعودين يصحون الفجر بيوصل الاستاذ الكبير الي بالمدرسه على الوحده طبي على الصغار هذا لو ناموا صحيهم و غديهم وقولي لهم شوفوا سبيس تون ولاتخلينهم يناموا ابدا استغلي انتي وقتك بترتيبات العشا اذا كنتي بتسوين حلو سويه قبل المغرب ورتبي غرفتك وجهزي لبسك المهم سوي كل شئ الا الطبق الرئيسي خليه اخر شئ العصر ذاكري لكبير ...وعلى اذان المغرب جهزي لهم عشاهم .. بعد الاذان سبحيهم كلهم عشيهم ويلا للسرير واجلسي معهم الين ينامون وطبعا النور مطفي ولا بيحكون لك قصه وانتي الي بتنامين مب هم :29: لما بتحسينهم خلاص استسلموا للنوم

تسحبي للمطبخ سوي عشا زوجك ولما تخلصي جيبي عشاك معك ولاتنسين بخورك ...
دخلي اتسبحي وترتبي وبخري الغرفه وانتظر الاخ يوصل عند الباب ...

المطلوب منك تشدي حيلك شويه عليهم وتضبطي مواعيد النوم بس وشوية :mad: عين فوشيه وبيضبط الوضع ان شاء الله

عاااااااااااااااااااد لو عجبتك سواليفي :23:لاتنسيني من الدعوه

دمتِ بخير

السلام عليكم
حياك الله لويسى على هذا الموضوع
طبعا انا معك مليووون بالميه فى كل ما قلت
والله اختى ان الكلمه العذبه والابتسامه الصافيه لهما تاثير السحر على الرجل الذى هو طفلا كبيرا
اقول لكى شيء انى احيانا اشفق على زوجى من كثرة مشاغله ومتاعبه
واقول لنفسى انا عندما ينقص لدى مخزون الحنان قليلا اخذه منه وهو يشعر بهذا
فما بالك به من يعطيه الحنان فهو خرج من نطاق والديه من يعطى هذا الرجل االحنا ن
وهو بطبعه ما بيقول شيء
وحينها اجده طفلى الخامس
فاحفه بالحنان
يا بنات
المراءه عليها عامل كل شيء فى الحياه الزوجيه
وقدر ما تعطى تاخذى واكثر
اعتبرى زوجك احد اطفالك واعطيه ما تعطيه لطفلك من المشاعر وشوفى النتيجه
ومشكووووره لويسى
ام باسل

بشائر الخير
جزاك الله خيرا على عرض تجربتك ..الله يرزقك الهمه والنظام لبيتك وزوجك واولادك
وبصراحه ما شاء الله تبارك الله ..يبدو عليك انك موسوعه سننهل منها ..
فكلماتك ونصائحك هذه جدا رائعه ...
الله يسخرزوجك لك ويسخرك له ويسخركما لله عزوجل


السكوت2001
هلاوالله ومرحبا بك من جديد ..ومشكووره على مشاعرك الطيبه

المتغليه
هلا بصاحبة الانامل الذهبيه...والله يجزاك خيرا ويسعدك مع من تحبين
واشكرك من صميم قلبي على كلماتك الطيبه
اسأل الله قبول العمل ..والاجر والثواب لنا ولك وكافة اخواتنا هنا

والله يعطيك العافيه ..على عرض هذه النصائح لافادة هدير الماء ..


عاشقة العناد
الله يسعدك عاشقة ...والله يديم الحب والوئام بينك وبين زوجك
وما قصرت والله انت والاخوات ...
فلتنسخ هدير هذه التجارب والنصائح ..ولتستفيد منها.
تجربتك رائعه عاشقه ..وتسلمين .



om basel
حياك الله ام باسل
وجزاك الله خيرا على كل حرف سطرت به هنا ..كلماتك رائعه ومنهجها فوق الرائع