الله يسامح كل أهل قسو على بناتهم بس حقهم علينا مهما كان صلة الرحم

طيب ما اختلف معكم ان فيه اهل ظالمين بس هل هذا الشى يبرر اقطعهم او انساهم
اذا مذكور في القران وهم مشركين ابرهم كيف لو هم مسلمين ومشاكل دنيوية

بعظ الامهات عايشين بظلام على قولت البعظ ((تخاريف البدو))
سبحانه من حبها للاولاد وتميزهم عن البنات وهذي فطره فيهم بس انها تميزهم على حساب اخواتها هذي الشي اي يقهر بس ما يتزوجو كل اولادها بيروحون مع حريمهم وينسونها وبناتها الي كرهتهم عشان اولادها بيرجعون لها وبتعرف انها غلطة بحقهم بعد ما يفوت الفوت
مصير الاهل بعاملوا اولادهم بالمعامله الحسنه لاتحسسون اهلك انهم مقهورين من تصرفهم اذا تبي امك تحبك انتي حسسيها انك مهتمه لاخوانك وتحبينهم وتخافين عليهم وتشوفي راح تتغير معاملتها
والشي الثاني فكرو كيف كبرتو وكيف تربيتو منذو الطفوله مو من حليب امك ونفقت ابوك مهما حصل منهم فلهم الفضل الاول والخير فينا
واذا اهلك يعاملوك بقساوه ابحثي عن الخطا في نفسك وعدليه

مو كل وحده تجي هنا تقول اهلي ظالميني اهلي مسوين فيني الخ الخ
نصدقها
بعض اللي يكتبون هنا مو صحيح بعضهم فيهم حاله نفسهي ويتخيلون انه الكل ضدها
وتتخيل الكل يحسدها


انا شايفه بعيني نموذجين حيين من حولي ماحد قالي انا اسوف وملاحظه
وحده من اقاربي اهلها مو معنفين ولا مريضين نفسيا عاديين زي باقي الناس بس هي مو مرتاحه تبي كلمتها هي المسموعه ماتبي تسمع لاحد اسمعولي انا وبس واذا ماوافقوا على اللي هي تبي صارت جامحه عنيده ترد عليهم باسلوب جاف حتى امها تتعبها وامها ساكته ماترد تزوجت والله حتى ارقام خواتها ماحفظتهم بجوالها انصدمت يوم قلتلها عطين رقم فلانه وفلانه وفلانه اعدد خواتها قالت وهي تضحك اصلا ماعرف ارقامهم مو عندي ولا تجيهم الا بالمناسبات اعياد زواجات وقليل تجي عشان تزور امها حتى عيالها ماتبي تحطهم عند اهلها مع عيال خواتها ليش ماتامن اهلها على عيالها
وحتى نشوف اسلوبها مو بس نسمع خواتها يكلمونها باسلوب عادي يتناقشون باسلوب لا هي اسلوبها فيه هجوم ولا رايي انا لاحظت اشياء كثيره من طفولتي معها لحد ماكبرنا مع بعض صارت تعتبر زوجها كل شي بحياتها واحسن من اهلها وانا اشوف امها والله قاسيه تحبهم كلهم بس كلهم يتعبونها ماتدري توقف مع مسن وتخلي مين


ووحده ثانيه من اقاربي بضبط زي هالحاله لو جت اختها تقولها موضوع زي جربتي رجيم كذا وهي لسى تسال تعصب وتقول لالالالا انا انا اعرف انا ادري انا اصبري خلي اختك تكلم الجمله لا انا الصح مابي اسمع منكم انتم خطاء
مثلا اختها قالت خلي شعرك مسدول تطلعين احلى من التسريحه ماكملت الجمله الا لالالا انا ابي لا باسلوب هجوم مو برقه وهدوه يعني شفت بعيني ماحد قالي ذيك تبي اختها تطلع حلوه بالزواج عشان يوفون شعرها انه طويل وحلو وعشان تنخطب وهذي تعصب ولا تفرضين رايك علي يابنت منب افرض انا اناقشك بهدوء ذي تاخذ الشي بالهواش
وتقول ليش اهلي مايحبوني انتي تخلينهم يكرهونك
ليش اهلي مايحترموني انتي السبب
ليش هجوم هذولا اهلك
شفتي منهم هجوا لاتهاجمين طيب
بعض البنات اللي يكتبون كذا مو صدق مقسي عليهن ببيوت اهلهن


فيه عضوه برمضان شفت هالنوذج كتبت حالتها عند اهلها وانهم مايحتمونها وقالت عن اهلها كلام وخلت نفسها المكسينه المنكسره وانها ماتسوي شي ولا تود عليهم وهي ساكته حتى تقول عيالي اهلي يذونهم
بعدين قالت مشكلتها بعدين فيه بنات كثار ردوا عليها باسلوب عادي مافيه هجوم بس ردوا عليها بردود هي ماتبيهن تبي رد وقفوا معي باللي ابيه
شافت العكس
جت مره ثانيه ونزلت موضوع وطلعت اسلوب ثاني ولساني ثاني وتغيرت وصارت تتلفظ اللفاظ خير خير هذا وانتي تقولين منكسره ومسكينه تغيرت يعني اهلها مظلومين وبانت حقيقتها برمضان


شوفوا
انتبهو مو كل من كتبت كذا تصدقونها فهي ايه وفيه لا
فيه من ممكن نصدهم وفيه ممكن مانصدقهم
لان البعض فيهم حاله نفسيه يجونك مريضات نفسيا يتخيلون امور الشيطان يوهمهم فيوهمونكم
لاتنجرون وراى اللي تقول اكرهت اهلي
من وين لها جوال
من وين لها شحن
من وين لها نت
يوم جت تنزل موضوع بمتتدى وهي مو موظفه
مو من اهلها ؟
لو من خافز مثلا ليش ماخذوا اهلها منها حافز وبلعوه
انتبهو وحاولوا تصلحون البنات اللي يجون يكتبون لاتشعلونهم على اهلهم بالعكس قربوهم من اهلهم

حب الاولاد مانقدر نغيره حتى الدين ماقدر على هالعقليات
مذكور بالقران
ماينذكر بالقران شي الا لانه مستمر بجميع العصور ولا راح يندثر
هي فطره ببعض البشر


عني انا ربي فطرني حب الاثنين بس حب البنات اكثر مع ايمرجايه من عيله اكثرها بنات بس ربي فطرني عليهم بس ماكرهه الاولاد احبهم بس ميولي انه يكون عندي بنات وخوات بعيلتي


فيه بنتين من معارفي امهم تحب الاولاد وتكرهه البنات بس والله العظيم حتى بناتها يحلفون تدلعهم جميع وتحبهم جميع بس بلسانها تقوله لهم والبنات مانزعجوا من امهم ولا تركوها ولا ابعدوا عنها
ويزيدون حب فيها مع ان البنات يلاحظن امهن تحب كثير اخوانهم كثير بس البنات مايجيهم لا ضرب ولا حرمان وتعطيهم وتدرسهم كلهم وتدور لهم ازواج صالحين
بس بناتها مايشتكون من امهم مع انهم قالن نعرف امي تحب العيال اكثر من البنات بس ماعمرها ضرتنا بشي
والسبب نفس البنات ماعقدن انفسهم
بعض البنات يدورون العقد وين ماكان حتى لو عطوها اهلها الدراسه والمال والوناسه بس لازم تعقد نفسها لا انتي ماتحبيني لي تسمعين للشيطان وتحطين اذونك لهم
عيشي حياتك وانتي حبي اهلك مو لازم يحبونك انتي حبيهم فيحبونك
كيف اللي مو اهل لو عاشرتيهم وعاملتيهم بالزين وباخلاق حبوك اهلك كذا
كيف لو انتي بوظيفه وحولك موظفات مايسمعون منك الا الكلام المعسول والريق الحلو وسمي وابشري على عيني وتساعديهم وتشيلين عنهم تتلقني الكل يحبك بالوظيفه ماحد يكرهك
لكن لو صرتي بين الموظفات حقوده حسوده ماتوفتك كلمة انقالت تقومين الدنيا وتحاسبين او شفتي ذي تناظرني من تحت لتحت وتبوزين بوجهها وتصدين عن فلانه لانه ماقالت السلام عليكم كذا تكونين عدوات والسبه انتي اسلوبك


الاهل كذا
شركه
والاهل الموظفين
عشان تقوم الشركه صح لازم كل موظف يتحمل الثاني عشان ينحب مهما صار


ياسفاب تعبي 😂
تراي تعبت عاد وانا اكتب ومالي خلق ارجع اعدل بالاخطاء اصابعي كبار والكيبودر حق الجوال صغار 😣