السلام عليكم ورحمة الله وبركاتة
حياكم الله ياغالياتي المغتربات ’’’’
في موضوع بخاطر وودي اقوله ,,,,وهو ان كل امراءة بطبيعتها تحب السوق والخروج للشوبينج
ودائما مايدور حديث مجالس النساء عن الموضه واخر مانزل في السوق,, وانا طبعا وحده من هالنساء اذا مهب على راس القائمة ,ولعي السوق والشوبينج ,,,ولا اخفيكم سر ان 50% من روحاتي للسوق تكون فقط للاطلاع اكثر من الشراء ,,,يعني احب ارضي غريزة التسوق لكن ماهو كل شيئ اشتريه <<<<ذوقي صعب :22:
لاني اخذ من الموضه اللي يناسبني,,,المهم ياغاليات ,,,ان الزبدة من هالموضوع ,,,اني لما كنت مغتربه كان الموول هو المكان او المتنفس الوحيد اللي ممكن نطلع نتمشى او نتعشى فيه ,,,بحكم ان الولاية اللي كنت فيها بارده وممطره اغلب الوقت ,,,فمافي حل الا المراكز التجاريه او اماكن التسوق ...علشان الواحد يغير جو فيها
واللي زاد من حمى التسوق عندي ,,, ان زوجي يدرس وانا جالسه في البيت مع الاولاد.:3_13_12:..فكان من الطبيعي انو نروح للمول ولو مرتين في الاسبوع وهذا بعد بخلاف الويك اند ,,,, ولما حملت مصختها زود في التسوق...بحجه التجهيز للبيبي,,,, ولا يخلو الامر من مظاهره نسائيه مع جاراتي الخليجيات ,,, لازم نحدد لنا يوم نطلع فيه للسوق مع بعض ونترك الاولاد مع الرجال :arb:<<<<< تقل علينا قل سوق
ولا يخفى عليكم النت وعمايله ,,, وانا اطبخ اتصفح المحلات المفضله عندي وايش اخر مانزل عندهم ,,,ولما يجي ابو الشباب من الجامعه ,,,يالله وين الكردت كارد :024:
والميل بكس ,,,كانت توصل عليه يوميا مجلات و عروض من المحلات اللي يحبها قلبي ...بالاضافه الى المشتريات
المهم ... ماودي اطول عليكم ,,,,المغزى من الكلام اللي ابي اقوله ,,,, ان زوجي مايمانع تسوقي ولا روحاتي المتكرره للسوق ,,,لكن في يوم من الايام ... كانت نفسيتي تعبانه بسبب الحمل ومشاكل الاولاد وهم اني بولد بالغربه ,,اتوقع ان الحادثه وقعت وانا في الشهر الثامن ..
, فكنت في كل مره اروح للسوق لازم اشتري لي حاجه وتكرر الموضوع اكثر من ثلاث مرات خلال الشهر
واخر شيئ اشتريته كانت تنورة ,,, زوجي طبعا ما حب يكسر بخاطري ويستغليها على ,,,لكن لما رجعت للبيت
حسيت بخاطره حكي ,,, :mad:
قالي :كم قطعه اشتريتي هالشهر ...تدرين اني شايل هم السياره ,,, لاني شاك ان فيها عطل ,,,وخايف تخرب علي هالاسبوع ,,,, ولايكون عندي قيمه تصليحها ....واصعب شيئ في امريكا اعطال السيارة لان تصليحها مكلف
ولو ماصلحتها ....بنقعد من غير سيارة
بصراحه ....ماتوقعت نفسي اني اكون بها السلبيه ...وتبلد الاحساس ... لكن كلامه اثر فيني كثير ...وكان احد اعطاني كف على وجهي,,,, صحاني من سلبيتي ولا مبالاتي:06:
طبعا : زوجي اخر همه الاشياء اللي شريتها وما تهمه قيمتها ,,لاني اكون حكيمه في بعض الاحيان وما اشتري القطعه الابسعر مناسب
لكن ,,, هم زوجي كان على قله الحكمه عندي في تصريف الميزانيه وترتيب الاولويات حسب الحاجه على اعتبار ان مصدر دخلنا محدود ,,اذا لم يكن محدود جدا ,,, وانتم ادرى بالحال مايحتاج اقول :(
طبعا ...ضاق صدري وفكرت في كلامه كثير ... اخذت القطعه وقلت لزوجي : ابي ارجعها ,,,,ضحك وقالي : ماتسوى
طبعا ... حسيت اني سلبية زود ومافهمت اللي يبي يوصله لي ,,,
المشكله ماهو في السوق والمشتريات ,,المشكله ان الواحد لازم يفكر بعمق اكثر ,,الوضع في الغربه جدا متعب بالنسبه للمغتربين ,,لازم نفكر بالمشاكل قبل وقوعها ونكون مستعدين لها
في الغربه مافي الاانتي وزوجك وعيالك ,,,وعلى الجانب الاخر ...هم الغربه وغلاء المعيشة والاطفال والبيت ومصاريفهم ,,,وهذا غير التمشيات والسفرات الحلوة والهدايا وهمها
اذا مافكرنا في هالامور ,,, ووقعنا في ظرف طارئ ,, صعب نلاقي مخرج ,,لا اهل نستند عليهم ولا رفقه نطلب فزعتهم ,,,,مافي الا انتي ,,,
لازم نعرف كيف نتصرف في الميزانية بكل عقلانية ,,, ومانغتر بسهوله الحياة و حلاوتها
لازم نخلي لنا خط رجعه ومخرج نقدر من خلاله نقضي على المشاكل من غير ماتكدر خاطرنا .... ما اقول لك لاتشترين ولا تروحين للسوق واحرمي نفسك ,,لكن انتبهي ,,لاتنحطين في الموقف اللي انحطيت فيه
المساله ماهي صعبه ...لكن ماهي مستحيله الحل
والحل طبعا بيدك انتي ,,,
سامحوني على الاطاله ,,,لكن كان شيئ بخاطري وحبيت افضفض ,,بتقولون لي : وش جاب الطاري وانتي بالسعوديه
بقولكم :كنت اتناقش مع صديقه لي بتتغرب ,,,قلت لها نفس الكلام اللي كتبته فوق
قالت لي : لا ياحبيبتي انا متعوده مصروفي اخذه اول كل شهر ...تبيني اتنازل عنه الا السوق انا بتغرب علشان انبسط:angry2:
قلت بخاطر خليني افضفض لكم ,,,يمكن ما اكون انا الوحيده وفيه غيري كثير يوافقوني في التفكير
دمتم كماتحبون
بيكون كل شي غير
والمصاريف بحساب
لا والمشكلة اننا رايحين بريطانيا
أغلى من امريكا
كل اللي راحوها يقولون متنا من الجوع
كل شي غالي
الله يعين....