تعالوا ذوقوا هالصياديه لذيذه وسهله ومن غير زفره
طبعا في كذا طريقه للصياديه وهذي وحده من الطرق ياليت تجربونها
مثل ماعودتكم المقادير والطريقه نشرحها بالصور
نغسل السمك ونفركه بالليمون والخل
نغسله ونحطه بقدر فيه ماي ونضيف عليه كمون دارسين وهيل بودره ومسمار وملح وثوم وشويه زيت زيتون اوزيت عادي
نحط القدر على النار ونترك السمك يستوي وينضج زين بس لاتتركينه مده طويله يتفتت السمك
نحمر مقدار كبير من البصل ويكون مقطع شرايح
نحط البصل في الخلاط ونضيف عليه من ماي سلق السمك ونخلطهم
هذي شكل البصل بعد الخلط
نتبل السمك بالطحين
ونقليه بالزيت الحار
لغاية مايحمر السمك
في هذي الوقت نضيف الرز في القدر
واكيد لازم نراعي يكون الماي ارفع من الرز ب 1ونص سم ونضيف قرنين من الفلفل الحار