طبعا بدأ الصيف ... وصرنا ندور على العصاير الباردة والآيس كريم ... و للأسف يعتبر الآيس كريم وخاصة باسكن روبنز نقطة ضعف كبيرة كبيرة وايد عند كل وحدة تحاول تسوي ريجيم ... امثالي ... تعرفون ليش؟:(
لأنه أولا النكهات اللي عنده تجنن ... والصيف والحر والشمس :29: تخلي النكهات هذه احلى واحلى ...
و مرات بعد بسبب الإحباط اللي يجينا من انه الميزان مو راضي يتحرك :mad2: ، على كل انواع الريجيمات والرياضة :7_5_127: والضغط والحرمان ... نسير و نعوض الحرمان إما بكاكاو او كيك او ... باسكن روبنز ... ويضيع علينا كل اللي سويناه ...:icon33:
ولأن حاسه ان مناعتي هذه الايام بدأت تنزل تنزل تنزل ... وما افكر غير بهالكورة اللذيذه وان يكون عليها صلصة الشكولاته او صلصة الفراولة مع كريمة وشوية مكسرات
... اممم يم يم ...
لكن اقول لأ لأ ... وبعدين الاقيني ارجع افكر فيها ... معذورة صح؟ زين شو الحل؟
وخاصة ان باسكن روبنز ما يكتبون عدد السعرات الحرارية في الآيس كريم مالهم ...وانا خاطري فيه وخاطري فيه وايد .... فسرت دورت ودورت ودورت وبعد دورت ودورت ودورت على النت ... لحد ما لقيت كل النكهات والسعرات الحرارية مالتهم...
:)
ولأني اعرف ان في وايد من خواتي في عالم حواء يعانون نفس مشكلتي ... قلت احطها لكم ...
وعارفه طولتها عليكم وايد خلاص خلصت ... سامحوني
هذه هي السعرات للكورة الواحدة العادية لكل نكهة ... مع صورة كل نكهة فيهم ....