بدخل بالموضوع مباشره
طبعا انا متابعه جيده لمواضيع عالم حواء لكني ما اكتب الا اذا عندي شي جربته بنفسي و حسيت بفايدته
بحكم اني موظفه و وقتي ضيق فا العنايه بالنسبه لي يبيلها اختصارات قد ما اقدر
يعني مثلا بالنسبه للاقنعه لازم خيمه بخار عشان اختصر الوقت !!
و الشعر برضو لازم نايلون عشان اختصر الوقت
لكن اللي اكرهه ويحرجني بالعمل هو ريحة الزيت باصابعي لما احطه كل مره
و اصلا صرت استثقل الموضوع لانه ينزل على وجهي و لف نايلون وحوسه
فا مره كنت طالعه مع اختي و جا على بالي هالطريقه السريعه والعمليه
اول شي الزيت حقي بعلمكم مكوناته لانه فرقت شعري عليه بالتساقط والترطيب و اللمعه و الصحه
مع العلم ان شعري دهني ناعم.. لكن بجد الخصل اللي كانت تطيح مع الرجيم صارت تقل تدريجيا
الزيت مكون من : قارورة زيت براشوت + قارورة دابر املا الاصلي + قارورة زيت سمسم ابو الاسد + قارورة زيت خروع + قارورة زيت جرجير
بعد خلط هالزيوت ممكن تحطين راس ثوم مقطع و ممكن لا .. انا ما حطيت لان عندي زيت حلبه متوهقه فيه و حاطه الثوم معه ((دامه خايس خايس قلت اجمع الخياس مع بعض))
اما طريقة حط الزيت ..
جبت ثلاث اشياء اساسيه عشان استفيد منه
اولا بخاخ من دايسو بهذا الشكل
ثانيا مشط المساج وهو بهذا الشكل .. اخذته من الصيدليه
و انا طبعا اقصد الفرشاه مو المشط النحيف
و اخيرا قبعه الشعر اللي من جوا بلاستيك و من برا فوطه
عبي الزيت في البخاخ و مشطي شعرك اولا و بخي زيت ومشطيه بمشط المساج
20 مره بكل اتجاه .. للخلف - يمين - يسار - للامام
اقلبي شعرك و اربطيه و حطي القبعه و بس
راح تلاحظين الفرق الشاسع بالتكنيك هذا
الزيت نفسه كويس وروعه لكن مع المشط والقبعه فرق اكثر
والبخاخ ساعدني اني ازيت شعري بدون قرف ولغوصه و بصراحه صرت اقدر اواظب عالتزييت بدال الطريقه العاديه .. صحن و اصابعي بالزيت و ينقط على ملابسي وريحه وينزل على وجهي .. :09:
وووو بس
** اعرف ان الموضوع بسيط و يمكن ما يسوى افتح له صفحه مستقله لكن اطمع بدعواتكم و الاجر من الله في تفريج الكربه لبعض المحتاجين لهذه الامور :26: