كت كآآآت @kt_kaaat_1

محررة

تحبين تعشقين تعالي اقري قصتي وأصحي قبل تطيحي طيحتي

السلام عليكم ورحمة الله وبركآته

بصراحه كنت مترددة في طرح قصتي بالحيل لكن ابي الفائدة للبنات مابي احد يضيع مثل ماضعت انا

ابي مشآعركم الصآدقة وقلوبكم الطاهره ماتتلوث بحب زائف ماوراه إلا ذكرا اليمة وخذلان ومعصية

انا فتاة على مشآرف 23 أنسآنه متزنه أخاف ربي قدر الله علي اجيب النت وأشترك بالمنتديات وتعرفو عاد الفضول واللقافه
سجلت بمنتدى قبيلتي للأسف حتى يوم طحت ليتها كانت طيحتي بعيدة لكن لأني والله ماكان هدفي لا تعارف ولا غيرة
والله اني أعرف النت كله نصب وماوراه حب طاهر ابدااا وكنت متأكده اني مستحيل في يوم أحب عن طريق النت

المهم سجلت بمنتدى قبيلتي وأضفت اثنين عندي ع المسن واحد رجل عمره 32 للأسف يعرف اهلي كلللللللهم وأنا من غبائي قلت له انا بنت منو بس مايقدر يقول انه ضآيفني أو حتى كلمني لأني ماسكه عليه كثير
واصلا دائما يقول لي انتبهي احد يدري انك ضايفتني ع المسن يعني خاايف ومايقدر يسوي شي
والثاني للأسف هو الي طحت وماحد سمى علي

ولد عمره 25 لسآ طالب

عطاني ايميل عشان يوريني صور وأستمرينا ع الأيميل واتركه فتره وأرد وأتركه وأرد لين ادمنته
الشيطان يزين لي خطواتي حسبي الله وكفى

المهم صارت علاقتي فيه أكثر من 9 شهور عرف عني كل شششششششششششي وأنا اعرف عنه كثير

حبييييييييييته من كل قلبي عشقته أبوس الأرض الي يمشي عليها والله اني عمياااااااااااااااء أنعميت وانا الي كنت اقول وشلون هالبنات يسمحون لأنفسهم يتمادون

سبحااااااااااانكـ يآالله من كان يصدق اني انا أتعرف ولا أكلم جوال بعد الله المستعان بس

المهم أستمرت علاقتي معه جوال ومسن يابنات لا تلوموني حاولت اتركه والله اني اتركه وأرد واله عجزززززت وتعبت وتضايقت وتغيرت

وربي وربي ان الكل لاحظ علي الكل يقول تغيييرررتي فيك شي وش الي مضايقك نحفت وبان علي الهم

ماشفت من علاقتي معه إلا الهم والضيق والكدر وأني طحت من عين نفسي

كنت افتح ايميله والفيس بوك من غير مايدري اني عارفه الباسوورد وكنت اشوف بلالالالالاوي يابنات وهو قدامي ملالالالالالالالاك شفت ضحاياه بعيني شفت كل شي بعيني

تدرون وشلون عرفت الباسوورد تركته فترة صارت مشكله بينا وتركته والله العظيم اني كأن احد ميت لي تضاااايقت تعبت أسرح كل اليوم أفكر انا ليه سويت كذا وش الي خلاه يقسى وانا والله ماقصرت لو يطلب عيوني عطيته

بكيييييييييييت بحرقة قلب وصليت ودعيت الله يكشف لي كل سواياه وأوراقه

والله الذي لا إله إلا هو اني بس خلصت صلاة رحت أجرب ايميله ومن اول مره فتتتتتتتتتتح

رحمتك يالله شفت كل شي والله بعيني غير الصور وغير وغير

وللأسف رجعت له رغم كل الي شفته يابنات انا نسيت كل شي شفته مجرد اني رديت له وربي أنه كأن روحي انردت لي

رجعت أردى من قبل رجعت بكل ذل وهوان الي كان ممنوع بعلاقتنا تمادينا فيه

بقول لكم بعد اني ضفته ع ايميل غير ايملي وعادي يسولف ويتكلم ووو عرفت انه نفس ماستدرجني باقي بيستدرج غيري من البنات عرفت انه سآفل وحقير وكذاب بس بعد ايش ؟؟

حسيت اني حقيرة لأني رضيت ع نفسي اشياء عمري ماتخيلت اني أسويها

كانت علاقتنا مسن وجوال بسسسس ولا قد شافني أحيان أوريه صور بسييطة بس ماكانت تبان ملامحي كثير وكنت اشوفه ع الكآم

كان يقول لي رح اتزوجك لاحظو قالها من نفسه والله انا كنت مسسستبعده هالشي بس هو حسبي الله ونعم الوكيل ضحك علي قال لي نتزوج قلت له صعبه قال صعب بس مو مستحيل
أثآريه كان يستدرجني بدافع الزواج ولا هو كذاااااب

بنات هاوشو قولو الي تقولونه انا تعبت والله ضاقت فيني الدنيا ربي يعطيني من نعيمة وانا للأسف أعصيه فيها

بس عندي نصيحة تكفوووووووووووووووووون لا حد يضحك على احد ولا حد يستهزء بهالمواضيع
والله اني ماأنسى موقفي لمن وحده من البنات قالت لي عن زميلتنا انها تكلم شباب ليتني قلت الله يهديها
لالالا قعدت اهاوش وأتكلم عنها

والله سنة بالضبط وأنا أردى منهااااا

سبحانك يآالله

انا اليوم تائبة وأسأل الله العلي العظيم أن يقدرني على تركه للأبد وأن يربد على قلبي ويثبته على دين الحق وأن يرزقني الزوج الصآلح

والله اني ضعييييييييييييفه قدام شوقي وحنيني له وأخاف ارد له ثاني بس ابي منكم كلمة تطيب خاطري وتشد من عزمي
أنا تركته لوجه الكريم وإن شاءالله ان ربي رح يساعدني أملي بالله كبيير

اختي يلي تحبين شخص يالغالية لا تطيحين مثلي هذي تجربتي عرضتها عشان تعرفو انه كله وهم مافيه من الحقيقه شي وإذا فيه حب ماهو حب نت حب طاهر عفيف بعيد عن العلاقات المحرمة

انا مو جايه اتفلسف بس والله التعب الي تعبته مابيكم تجربونه والله اني شفت ايام ماتسر لا صاحب ولا عدو

انا من معرفتي له خسسسرت كثيييييييييييييييرررررر ( خنت ربي للأسف وخنت ثقت اهلي والمنتدى الي كنت فيه كله من الجماعه خسرة بنت عم هالولد كنت اعرفها من المنتدى كانت اخلاق وطيبه بس فجأه قالت لي أرجوك أقطعي علاقتي فيك زوجي منعني أكيد ان الي اعرفه قال لهم عن كل شي وحب يخرب علاقتنا عشان ماتعرف بنت عمه مني شي أو اكيد لهدف في باله

والله انها كانت تنصحني عنه بس انا للأسف ماسمعت لها

لا نخلون الشيطان يزين لكم مثل مازين لي

هذا نقطة من بحر قصتي طووويلة بس حاولت اني اقتصر المفيد

أدعو لي ان الله يثبت قلبي ويبعدني عن الحرام ماشفته يكفيني

اسأل الله لي ولكم الثبااااااااااااااااااااااااااااااااااااااات والبعد عن المحرمات

ماكنت متخيلة اني بيوم أكتب قصتي هنا لكن قدر الله وماشاء فعل والحمدلله على كل حال

لقلوبكم النقيه
منقووووووووووووولة للفائده

يلزم عليك تسجيل الدخول أولًا لكتابة تعليق.

تسجيل دخول

سوار الروح 77 • 11 سنة

الله يهديها يارب

ويثبتهاااا ع صدق توبتها

حروف القصيد && • 11 سنة

آلله يهديهها ي رب ..
حسسبي آلله علي ككل وآححد يلعب ب مششآععر آلبنآت:

همس صالح • 11 سنة

الله يهديك ياقلبي قبل كل شي تذكري عقاب الله وفكري ألف مره في أبوك وأمك واخوانك لو عرفو وش بيصير فيهم دايم ادعي يارب ثبتني ادعي الله يرزقك الزوج الصالح الي بنسيك كل شي الله يثبتك ويهديك

,,/ تَرَفْ ! • 11 سنة

ـ

الله يثبتها على الحق يا ربّ.

جنان العتيبي • 11 سنة

الله يقبل توبتك ان شاء الله وتاكدي بتوبتك راح الله يبدل سيئاتك حسناات كلنا بششر نخطي مافيه احد معصوم من الخطا وانتي اخطيتي خلالاص لاتمشيين في هالطريق قسسم بالله هذا الطريق ماوراه الاضيييياع والذنووووب والمعاااصي
الله غفور رحيييم نعصيه ويسترنا توبي توبه من قلللللللللب لان نهايتنا قبر وجنه ونار لاتبيعين اخرتك عشاان واحد وبعدين فكري باهلك وش ذنبهم لاتنزلين برؤوسهم الارض أبوك المسكين يشتغل ليل ونهار عشان يامن لكم اكل وشرب ومسكن لك ولخوانك كذا تجازينه تكفيييييييييييييييين ابعدي عن هالطريييييييييق
صلاه الليل لاتتركينها ابددد اشكي همومك لله وابكي قداامه والله والله والله ان الله ارحم من امك وأبوك واسأل الله العظيييم ان يرزقك بزوج صالح يسعدك كل ما جاء في بالك استغفري الله واشغلي نفسك باي شي وان متأكده ان الله راح يعوضك ويسعدك ومن ترك شي لله عوضه بخير منه .....واعتبرين اختتتتك واذا بغيتي شي ولا احتجتي شي أنا موجووووده الله يسعدك ويوفقك...