كوبونات الراقية تسجيل الدخول

() بنت ابوها ()

() بنت ابوها () @bnt_aboha_55

محررة برونزية

تحبين تلفتين (شم) الناس .. وتكونين متميزه بعطرك ؟!!!

المكياج والعطور •



السلام عليكم ورحمة الله وبركاته


منوا فيكم ما تحب تلفت شـــــــــــم الناس لعطرها ؟ << على وزن نظر الناس :22:
منوا فيكم تحب تكون مميزه بعطرها ؟!

انا شخصيا .. احب جدا جدا ان اكون مميزه بعطوراتي .. واحب اخلي عطري يتكلم عن تميزي << يا عيني على هالعبارات الفتاكه ههه

عموما .. الشي اذا صاروا كل الناس يستخدمونه اكرهه .. لان الشي اذا كثر وكثرت شوفته نمل منه .. ونشووفه باايخ !! حتى لو كان بالحقيقه حلوو لكن كثر رؤيته تخليه عاااااااااااااااااااااااادي !!


مثال << موتي وغرامي الامثله:42:
اول ما تنزل سياره جديده بالديره .. الناس كلها تشوفها واااااااااااااااااااو .. لان شكله مميززززززز وحلوووووووو .. لكن من كثرة ما نشوف هالسياره .. خلاص تصير عندنا عاااديه .. وتملل

القصد .. كثر شوفت الشي يملل ... الا يقرف :09: .. واذا صار الشي مكررررر بكثر يفقده قيمته .. ويصييير عاااااادي ..


المهم بعد هالمقدمه الطويله .. حبيت اذكر لكم بعض العطورات المميز .. واللي قليل اللي يستعملونها على الرغم من تميزها .. وترى في عطور واااايد حلوه وتينن .. بس الناس ما تدري عنها .. اول تدري عنها بس ما تلقيها بال !

الصراحة في عطور خلاااص صارت مستهلكه .. مثل عطور شانيل .. وديور .. والين ... الخ << مع احترامي لامحبات هذي العطور !!
انا ما اقول لا تستخدمون هذي العطور بتاتن .. بالعكس هالعطور وايد حلوه بس ملينا منها !



تحذير : اللي تستخدم هذي العطور للتعطر لغير محارمها فاني ما احللها ولا ابيحها .. ما ابي اخذ اثمكم !! انا بريت ذمتي جدام رب العالمين وكل وحده وضميرهااا


وترى هالموضوع خذا مني وقت طويل وجهد كبير لترتيبه وتجميع الصور وخلافه .. تقريبا اسبوع .. يعني رجاءا لا تدخلون وتطلعون ولا تقولون حتى شكرا ولا جزاك الله خير !!

من لا يشكر الناس لا يشكر الله !!


بسم الله نبتدي ..

عطور فيرا وانغ .. وهذي مصممه ازياء ومتخصصه بفساتين العرايس .. وعطورها رووووووووووووووووعه .. ونصيحه كل عروس فيهم

هذا القديم


وهذا الجديد


واثنينهم حلوين بس انا حبيت القديم اكثرر


عطور لانفان ..
واااااااااااي واااااااااااااي على عطورهم تتتتتتتتينن .. من اروع واجمل العطور استخدمتها عطر Eclat D'Arpege << خيااااااااااااااااااااااااالي عطر لا يتكرر .. فخم جدا جدا .. ويصلح هديه لان علبته بعد وااااااااااااااايد فخمه


وفي عندهم عطر اسمه Rumeur حلوو وعلى نظافه على فرش على ورود ما ادري شلون اوصفه .. وحلو لو حطيتيه ويا دهن عطوور




يتبع ...
683
97K

هذا الموضوع مغلق.

() بنت ابوها ()
() بنت ابوها () •
عطور رالف لورين
عن جد هالماركه مبدددددعه .. في ملابسها وعطورها .. عطورها رووووووووووووووووووعه ..
وتنفيض بالرووووووووووووووومانسيه

اول واحد اسمه بلو blue اتذكر نزلت عنه من زماااان وحده من الاخوات موضوع عنه .. وتصفه بالانوثه الكاامله .. وهالعطر يستاااهل هالوصف


وثاني عطر وهو مميز جدا جدا جدا .. اسمه بيور تركواز Pure Turquoise
ويصلح للمساء والسهرات واااايد اقرى عليه مدح بالمجلاات الاجنبيه


في له شكلين بخاخ .. ومركز ..


وثالث عطر اسمه ستايل .. اموووووووووت عليه .. ريحته ورود اينننننن


واخر عطرين .. حدهم حلوين ويصلحون للبيت .. او للزيارات العائله البسيطه .. وحلو للبنوتات وحتى شكلهم كيووت .. اول واحد اسمه كول


وثاني واحد اسمه هوت
+1
() بنت ابوها ()
() بنت ابوها () •

عطور بلغاري

عطورهم بختصاااار (( انوووووووووووووثه ))

.. و ما يستخدم عطور بلغاري الا المميزين ..

اسمائه مختلفه بصراحة ! بس بالسايت اسمه Pour Femme


وهذا Rose Essentielle وهذا جديد نسبيا .. بس جد رووووووووووعه عطر يستحق التجربه :22:


امونيا .. في ناس كثير يستخدمونها .. بس تظل مميزه .. وغير مستهلكه مثل كوكو شانيل و5# << نعقدت من عطور شانيل!!
() بنت ابوها ()
() بنت ابوها () •

فالنتينو
ما في داعي اعلق على عطور فالنتينو لان المعروف لا يعرف << خطيره الجمله موو :22:
ولو ان اخر عطر روك اند روز مو ذاك الزود لكن هالعطور اللي حاطه صورهم روعه عن تجربه

V Absol


V Valentino


هذا اسمه very Valentino .. ريحته باااااااارده ليما تحطينه تحسين بريحة النظاااافه على ورود على بودره << امحق وصف هه .. يصلح للصبح .. من الثانويه وانا استخدمه .. ريحته روعه


وهذا Valenteino Glod ..


على فكره حتى عطورهم الرجاليه مميزه ..
() بنت ابوها ()
() بنت ابوها () •

فيري Gianfranco Ferre
عطورهم قليله .. لكن متميزه وبشدددددده واللي شميته منهم
هذا واسمه روز .. عجيييييييييييييييييييييييييييييييييييييييييب .. انصحك كل العرايس يجربونه .. لو حد شم ريحتك وانتي حاطته صدقيني لا يمكن ان ينسى ريحتك ابدا بتكون مميز وما في مثلها ..




ECHO ناااعم وحلوو للصبح او للزيارات .. كانت في بنت عندنا بالجامعه تحطه لي مرت علينا كل الموجودين بدون استثناء يقولن الله ريحته حلووووه :)



في عطر ما قد سمعت عنه بالمنتدى .. واسمه جابريت او كابريت CABARET .. روووووووعه .. استخدمه للاعراس والمناسبات الكبيره .. ريحته نااااعمه وفخمه .. واحب استخدمه ويا المخلطات ودهن العود ..



في عطور حديثه .. وحلوه ومميزه بس ما خذت ضجه كبيره .. اتصور في بنات كثير سمعوا عنها بس ما جربها .. مثل عطر باريس هيلتون Just Me ريحته تينن .. نظافه X نظافه اذا حطيت منه يسئلوني توك متسبحه !! تصير ريحتك كانك توك ماخذه شوور



وفي عطر اسمه دراقون من كارتيه .. ادري واااايد منكم يعرفونه .. وهو عطر لا يوصف بصراحه ! اول ما تحطينه ريحته قوويه ومو حلوه .. نطري عليه خليه يبرد .. اه اه اه يا ويل قلبي :42:


وبعد عطر سكسي212 من كارولينا هيريرا .. قددديم شوي .. وفي كثير يعرفونه .. بس للي ما يعرفونه .. ليما احطه لااااااااااااااااااازم يوقفوني ويسئلون عنه
+1
() بنت ابوها ()
() بنت ابوها () •



تم بحمد الله :)

طبعا لولا اختلاف الاذواق لبارت السلع << جملتي المشهوره :22:

كل العطور على ذوقي .. و اكيد اللي يعجبني ممكن انه ما يعجب غيري واللي يعجب غيري ممكن ما يعجبني .. ف اللي بتشري عطر لااااااااازم تمشه قبل عشان ما تتوهق ويطلع مو على مزاجها :42:


:26: :26: لا تنسوني من صالح دعائكم جزاكم الله خير :26: :26: :26: