تحبين واحد من عيالك اكثر من البقيه

بدون شك مافيه ام ماتحب عيالها بالنهايه هذا شي فطري حب الام لابنائها (واقصد بأبنائها البنت والولد) بس احياناً يكون فيه طفل ميييز عن البقيه عندها يعني له مكانه خاصه في قلبها مو معناته انك ماتحبين باقي اطفالك لا طبعا لكن واحد منهم تحبينه اكثر من البقيه


هل قد بينتي حبك لذا الطفل دون عن اخوانه
قد احد لاحظ من اخوانه حبك له بالذات
ابوه واهلك او القريبين منك لاحظوا
قد ميزتي بينهم بالمعامله او الاهتمام والرعايه والحنان او المصروف وغيره
طيب ايش السبب لحبك له او لها / الجمال _ الذكاء _ الهدوء او غيره
هل تحسين بتأنيب الضمير


حتى انتم ياعضوات عالم حواء كيف كان وضعك عند امك هل كنتي نمبر ١ عندها ولا اخر القائمه




بالنسبه لي انا بين اخواتي الوسطانيه وعددنا ٥ مافيه اولاد كان مسحوب علي وحقي ضايع دايم منسيه وسط الزحام بس مالومهم والله انا شخصيتي هاديه جدا جدا ولا قد سويت اكشن وعلى قولة امي مكان مانحطك نلقاك بس للأمانه ماقد حسيت ان امي تحبهم زياده عني بس تعمل حساب لأخواتي العصبيات الملسنات وتاخذ بكلامهم اتقاء لشرهم ولاكلنا تحبنا زي بعض


نجي بعد ماتزوجت وخلفت ٢ بنت وولد الله يحفظهم ويخليهم لي ويرزقني برهم << آآآمين >> وربي احبهم كلهم واهتم فيهم كلهم بس احس ولدي حبه في قلبي اكثر يعني اذ شفته قدامي لازم امسكه وابوسه وابوسه لين اشفط دمه واحب احضنه كثير مو زي بنتي مهملتها من الجانب العاطفي فقط يعني قليل لما ابوسها واحضنها بس وربي اني اخاف عليها مهتمه في اكلها ونضافتها ومدلعتها اخر دلع ااخ لو تشوفوا حالي اذا مرضت تنسد شهيتي وتتعب نفسيتي واتمنى لو انا الي مريضه واذا احد زعلها ازعل من زعلها وما ارضى احد يغلط فيها ابد
لاتقولوا عنصريه لانها بنت لا والله حتى في عايلتنا ماعندنا فرق بين البنت والولد بالعكس امي واخواتي يحبوا بنتي اكثر وحده من الاحفاد
بس دايم احس بتأنيب الضمير واحس اني مقصره معاها بالجانب العاطفي 😥 قولولي شسوي لقلبي 💗💗 الله يصلحه بس مو على كيفي