شوفوا عيونها واللمعة الي في الظل كيف رهيبة
وشوفوا هذي تحت العين ياسلام والله شي تصيري لمبة في السهرات
حاولت اسوي زي كذا وجربت بكذا طريقة أول مرة
في البداية حطيت اللمعة على طول وكله نزل مافي شيء
جربت بالجل وياسلام علي عيوني كيف صارت تتلصق في بعض افتحها ماأقفلها وأقفلها ويبان الهوايل، فصرت احط بس شوي على
أطراف العين وعاد بهذي الطريقة مايبان إلا لما تجي وحده وتدخل وجها في عيني حتى تشوف
وجربت الماء وطبعا ماكأني حطيت شيء ابدا عيني فاضية
المهم
قابلت وحدة في فرح وقالت لي إنها أخذت دورة تجميل وزي كذا وشفتها حاطة اللمعة مرة حلوة ومضبوطة تمام فقلت خليني
اسئلها أعرفها صاحبتي وطيبة وفعلا البنت قلت لها وعلى طول قالت لي
وراح أقلكم لا تخافوا:)
المطلوب التالي:
فرشة الي تعجبك وترتاحي لها والمهم تكون شعراتها طوال ومتلاصقة ممكن فرشة أحمر الشفاه تنفع تمام
اللمعة ولما تروحي السوق في نوعين نوع بجل ونوع من غير جل خذوا الي من غير جل
أخر شيء وأهم شيء
المثبت حق الشعر
بسسسسسسسسسسسس
الطريقة
ترشي المثبت على يدك وبعدين تحطي الفرشة في المثبت وبعدين في اللمعة وعلى طول ترسمي بها في عينك وشوفوا
الخط الروعة الي يطلع حقيقة طريقتها حلوة مرة وغسلت وجهي وما نزلت وتراني غسلت بشويش
بس لو تبغوا نفس الشكل الي في الصور فاستخدمو اللمعة الي من نوبا من مكياجي
أما لوتبغوا زي الي سألوا عنها البنات حقت برنامج لمسات فنفس الطريقة بس لما تجوا تحطوها على العين حطوها بطريقة
التربيت ماهو تسحبوا الفرشة لا بس ضربات خفيفة على المكان الي تبغوا اللمعة تبان فيه وترى هذي الطريقة مرة حلوة تخلي اللمعة زي الشفافة
يالله جربوا وقولوا لي
والله يجزى كل البنات الي علمونا كيف نسوي مكياج زي العالم والناس وعلى رأسهم شوكلاتة
على فكرة ممكن بدل مثبت الشعر تستخدموا مثبت المكياج