لاتعطين المسألة اكبر من حجمها تراها طفلة وبكرة تتغير
البزران كل يوم يطلعون بطلعات غريبة وعجيبة
انا ولدي عمره 4 سنوات مايحب السعوديين يموت في الهنود والفلبينيين وغيرهم
لدرجة انه مسوي صداقة مع عامل ابوه الفلبيني
ويحن على راسي كل فترة يبي يتزوج
ويبي يجيب ولد ويبقي سيارة
بكرة تتغير وتصير احلى بنت

هلا خيتي
والله حسب اللي اشوفه بالنسبه للاطفال اللي من اهلي ومن دول متفرقه في الخليج هالشي عادي جدا
ومعروف ان الاطفال وخصوووووصا البنات يموتون بالرجال وخص نص اللي يلبسون الثوب يموتون عليهم

بعطيك بنتي كمثال لا حصر
من كم سنة كنا مسافرين لاهلنا في منطقة ثانيه واول مرة تشوف ولد خالي ماتت عليه كل شوي تبتسم له وتروح تلعب معاه و كل مرة نروح نفس الشي متعلقه فيه وايد
الحين عمرها ست سنوات لما رحنا اقولها روحي سلمي تسلم على خالي وبس الباقي ما ترضى تسلم عليهم باليد بس بلسانها
لانها خلاص كبرت وفاهمه ان هالشي مايصير يعني تعلمت مني هالشي ومن اسلوب العائله يعني اللي اتغطى عنه واسلم عليه بلساني بس هي نفس الشي
انا اقول لا تخافين اختي ان شاء الله فترة وتعدي

من صجك طبيب نفسي اجل كان كلنا مرينا على الاطباء النفسيين
كل البنات اللي عندنا نفس بنتك وانا من قبلهم كنت نفس بنتك لدرجة ابوي الله يطولي بعمره يااخذني وياه للعمل احيان
شوفي هو مو مرض نفسي بس لان انتي عارفه مجتمعنا بطبيعته
رجال-=شارع
بيت=حرمه
وبنتك لانها تدري ان الرجال بيطلع بالسياره وبالشارع وبيروح يمشيها فتميل لهم لجذي تشوفين الاطفال سبحان الله حتى لو انهم اطفال وبالشهور اذا شافوا وحده لابسه عبايه جلسوا يبكون يبغون يروحون وياها لانهم عارفين بمجتمعنا العبايه يعني بتطلعين خارج البيت
بعكس الدول الثانيه اللي مايلبسون عبايات تشوفين اطفالهم يخافون لما يجون عندنا
مثل دكتوره مصريه اول ماجت هني ماجابت عيالها وبعد سنه جو زياره لما شافوا امهم بالمطار خافوا من شكلها بالعبايه وجلسوا يبكون لانها لابسه نقاب
يعني الوضع جدا طبيعي اصلا هي لما تكبر بتعرف ان هالشي عيب وبتعد عن الرجال بنفسها اهلنا ماودونا لاطباء وشوفينا من الفطره تعلمنا

ترى عمرها سنتين
^_^

ياقلبي عااااااااااااادي انا كنت مثله ولاتركت العاده الا يوم صار عمري 13 سنه
اصلن تلقين احد معوده
انا كان ابوي معودني كلما جاء رجال رحت اسلم عليه ولافيه احد يمنعني