تحتاجي روتين العناية بالاظافر وبأسرع وقت؟ 💅🏻

سلام عليكم بنات ، اليوم بقولكم على سر وبدوووون اي تكاليف عاليه وموجودة الطلبات فكل بيت
اللي مكسره اظافرها واللي هشه واللي الجلد الميت مطفشها واللي قصيرة وماتطول على سيرة تسوي هالطريقة وباذن الله تعم الفايده لكل وحده تحتاجها 😍💭
الطلبات: ( علبة فاضيه لاي كريم كان عندك قبل+ فازلين اي نووووع+ زيت زيتووون وهو المهمم جداً + زيت فيتامينe + وبرضو ممكن نستخدم اي انواع زيوت اخرى وبذكر لكم مثل ايش، ممكن زيت الجلسرين او زيت جوز الهند او زيت الجوجوبا او اللوز سواءً الحلو او المر المهم اي زيت من هالزيوت الطبيعية ) اخلطي كل هالمكونات فالعلبه لين تتجانس زين وقبل النوووم تدهني فيها ع يدك والاظافر اعملي لها مساج بحركه دائرية ومن داخل الاظفر ومن برا يعني مرريها ع كل الاظفر وبتشوفون النتيجه من اول اسبوع من الاستمرارية باذن الله وتدعون لي🤍