تحتاج معالج يشوف وش علتها ؟!

السلام عليكم
بنتي شوي عنيده واللي يرفع صوته عليها تعانده ماتحترم احد غيري انا فقط وجدا يضيق صدرها لو اتضايق عمرها ١٢ سنه
حصل موقف اليوم بعد ما اخذ زوجي بنتي الاهله يفطرون
انا مارحت ولاشفت شي لان الفطور فقط الاخوان وعيالهم
اتفاجى اخت زوجي ترسلي بنتك يبيلها دكتور نفسي يعالجها
اذا ماتعرفون تربونها انا بربيها اللي مو قد تربية الاطفال لايجيبهم
وكانت منفعله جدا كل هذا ارسلته سناب انا هديتها وقلت بكلم بنتي
وتفاهمت مع بنتي وعرفت انه ماترفع صوتها على اللي اكبر منها حتى لو هاوشها لازم تحترم اللي اكبر منها طبعا بنتي قامت تبرر ليش هي عميمه ترفع صوتها علي انا انقهرت ورديت ماعطيتها مجال وقلت الغلط غلط
راحت بنتي الابوها شفت يابابا تهاوشت مع عميمه وقال زوجي وش السالفه قلت ارسلت انه اذا ماتعرفون تربون لاتجيبون اطفال وبنتكم يبيلها طبيب نفسي قال انتي كذابه وين وريني قلت سناب طار الحكي قال ايه اجل كذب ما اصدق طنشت وقلت ايه مو مهم اكذب لكن يافلان ترى مو لازم اذا رحت الاهلك تاخذها اذا بنتك رافضه عشان ماتصير مشاكل لان البنت كانت ماتبي تقول مالي خلق اليوم وغصبها ابوها رغم انه يوميا يسلم على اهله ولازم ياخذ كل عيالي غصب وهي احيانا تقول مالي خلق يزعل منها ويسحب جوالها اذا مارحت هذا غير انه مايكلمها ويزعل منها رغم انها تحب اهل زوجي جدا وتشتاقلهم لكن تمل كل يوم كل يوم تقول مرات مالي خلق
وسالفة التكذيب هذي قاهرني فيها زوجي لانها مو اول مره يا اخواتي مره قبل فتره صار موقف وقال تكذبين انا ما اصدقك الا لما اشوف دليل اما حكي الحريم هذا ما اصدقه ابدا ودائما انا امشيها واسكت واسلك طايح لي فيها تكذبين لا واللي صدق رفع ضغطي اليوم يقولي عيب تقولين في هالليالي الفضيله الحرمه قالت البنت تبي طبيب نفسي واللي مايعرف يربي لايجيب بزران تاصل للتأليف مايصلح حرام وأنا يوم جيت برد عليه يسكتني خلاص خلاص سكري سكري الموضوع اصصص اصصصص جيبلي ماء بياذن انتهت السالفه طيب اسمعني انا ما اكذب رفع ضغطي مررره
واخت زوجي اقول بنتي تقولي انك انتي كنتي معصبه عليها من البدايه،، قالت بنتك كذابه كلهم طايحين فيها سالفة التكذيب رفعو ضغطي اي شي تكذبين سلامات بغيت استفزها واقولها حتى حكيك عن بنتي كذب بس قلت لااكبرها تطيح على راسي