لكل البنات المظلومات في عالم الصداقات والعلاقات تعالوا هنا
السلام عليكم ورحمة الله وبركاته....
هاي صبايا ... اليوم جبتلكم موضوع عن اللي يكرهونها صديقاتهاأو أهلها <<<يعني ما يتقبلونها ....
يمكن السبب ماهو انتي يمكن هم كذا ما يتقبلون اي احد .....
لكن انا جبت اسباب فيك انتي نفسك...
يمكن كل وحده راح تشوف صفاتها هنا وراح تكتشفين خطأك...
ما أطول عليكم أخليكم مع الموضوع....
.................................................. .................................................
ممكن تكونين شخصيه تافهه
وتمدحين نفسك وشكلك ووضعك وانجازاتك بالمجالس ليل نهار
وتنصدمين
لمن احد مايحبك او يتجنبك بطبيعة البشر تكرهه الشخص المغرور المتمحور حول
نفسه فقط
ــــــــــــــــــــــــ
لايمكن تكونين صاحبة لسان طويل وعصبيه
وصوتك عالي وتقبعين عمال على بطال
وفوق هذا وذاك مهمله صحتك وشكلك ورشاقتك
وتبين زوجك يحبك
اومايخونك ؟؟؟
انسي الموضوع بيخونك على اقل تقدير هذا اذا ماطلقك فورا
ــــــــــــــــــــــــــــــ
لايمكن تكونين انسانه صامته ( على السايلنت)
وان تكلمتي في النادر تكونين ممله ونقاشاتك كلها فقط تدور في تنظيف البيت وخواتك
وعيالك ومشاكل بيتك
وتشتكين اربع وعشرين ساعه وينقال عنك الله ياحلو جلستها ولاياخف دمها مستحيل
ـــــــــــــــــــــــــــــــــــــ
لايمكن تكونين نقالة حكي واول من يوصل الاخبار وينشرها ويحط عليها بهارات وملح بعد
و تلاقينلك شخص يحط ثقته فيكي كامله ببساطه انتي مش محل ثقه (من حكالك حكى فيك)
ـــــــــــــــــــــــــــــــــــــــــ
لايمكن ان تكونين انسانه منافقه ومصلحجيه واستغلاليه
واكبر همك مصلحتك وراحتك وتتعودين تاخذين ماتعطين ولاتردين الجميل
وتعتبرين الناس مجرد
ادوات تحركينها لخدمة مصالحك فقط ولتلبية رغباتك ومجرد تنتهي مصلحتك منهم تفتر علاقتك
فيهم وفجأه تكتشفين انهم اكتشفوك واتركوكك
وتستغربين وتقولين ياربي انا مظلومه
ـــــــــــــــــــــــــــــــ
لايمكن تكونين انسانه تحملين في قلبك كرهه وغيره كبيره لكل انسانه افضل منك شكليا او ماديا
اواسريا اوعلميا اوانسانه محبوبه من الناس اكثر منك وتعتقدين ان ريحة هالكرهه والغيره العفنه
ماراح تفوح منك وراح يشمها القريب والبعيد وراح ينفر منك فورا
لا وبعد راح تلاحظين تعثر حظك
في الحياة اكثر واكثر فلاممكن وحده بمثل هذه الشخصيه و تشوف التوفيق بحياتها
قال الرسول صلى الله عليه وسلم( لايؤمن احدكم حتى يحب لأخيه مايحبه لنفسه)
فاسوء انواع النساء
النساء الساخطات الغيورات الحسودات هؤلاء قنابل موقوته
في المجتمع هالنوعيه هذه
توقف طوابير على بيبان السحره والمشعوذين
لتدمير البيوت والاشخاص واسباب ثلاث
ارباع الكوارث الي تصيب البشر اما بسحر واما بدسائس وفتن ونقل اشاعات
ومعروف الحسد اول ميدمر يدمر صاحبه
قال صلى الله عليه وسلم ( الحسد يأكل الحسنات كما تأكل النار الحطب)
وافضل النساء المتزنات القنوعات المؤمنات
ان الله وحده من يقسم الارزاق لحكمه لايعلمها الا هو
ويغبطن الاخريات بحب ويتمنين الخير لانفسهم ولغيرهم وينظفون قلوبهم تماما من الاحقاد البشريه
ــــــــ
لايمكن ان تكونين شخصيه هزليه ساخره اربع وعشرين ساعه ومن خلال مزحك تجرحين في الاخريات وتنتقصين من اشكالهم واوضاعهم وعقلياتهم وتعتقدين انك كذا جالسه تبنين شعبيه
بين البشر ماتدرين ان الي حولك بيضحكون عليك اولا ومنك
وبعدها بيملوون منك وبيمشووون
ـــــــــــــ
لايمكن ان تكونين شخصيه فضوليه تتبع عورات الناس وتنتقدهم على الشارده والوارده وتقذف
وتسب وتعتقد انها وكيلة ادم على ذريته وتعتقد ان ربي نصبها الحكم والجلاد
على خلقه
وبالنهايه تستغرب انها شخصيه غير محبوبه من من هم حولها نهائيا
وتقول ياربي انا مظلومه
وهالنوعيه من النساء هذه اساليب كلامهم ... ركزو معاي
اعوذبالله شفتي فلانه وش سوووت ؟ وخزياه شفتي فلانه وش لبست ؟
الله يستر علينا شفتي فلانه داشره الله يعدي عنا ؟
شفتي جارتنا ام فلان المتصابيه شفتها بالسفر مفرعه وحالتها حاله وشكلها يحوم الكبد
ومسويا نفسها مراهقهه وسافره قليلة الادب؟
شفتي بنت فلانه وخزياه تلبس عباة عالكتف وضيقه اكيد قصدها تبي تترقم وتكلم والله يعلم
بعد وش تسوي اردى من كذا؟؟
شفتي زميلتنا فلانه ماخذت منصبها الا بالوسايط وقلة الحيا ولا كفائتها المهنيه صفر ؟؟
ـــــــــــــــــــــــــــــــــــــ
لايمكن ان تكونين ابنه عاقه
وتطول لسانها على امها وابوها وتعتبر رايهم واوامرهم
اخر قائمة اهتماماتها وانهم جهله واغبيا ومايفهمون
وهي الفطينه الذربه الي تعرف
كل شيء وتتوقعين انك بتتوفقين في حياتك مع زوجك بكرا وعيالك ولاممكن
تشوفين التوفيق الدائم
وبذات عقوق الوالدين عقوبتها تشوفينها بالدنيا قبل الاخره ولو بعد حين فلا تقولين مظلومه
بليييييييييييز
ــــــــــــــــــــــــــــــــــــ
لايمكن تكونين انسانه ظاهرك قمة بالتحرر
وارائك المتحرره تعليننها ليل نهار على مسامع
الكل وتدخنين علانيه وتتعاطين المحرمات
وتعددين من علاقاتك
بحجة الحرية والتطور
وتطالبين بعد هذا كله ان الاخرين يحترمونك ويقفون لك تقديرا على انجازاتك ويعذرونك
على اخطائك لانك تمريين بنقص عاطفي
او وضع اسري سيء
وتتوقعين ان يتعاطف معك الناس وينقذونك
للاسف عزيزتي البشر مش ملزميين في البحث عن اسباب فجورك ووضع علاجات لها
البشر عادة لهم الظاهر فقط
ــــــــــــــــــــــــــ
اللي شافت صفاتها تحاول تصحح نفسها ....
منقول