تحجر الجنين😰

السلام عليكم

بنات عندي استفسار اتمنى تجاوبوني بكريه وماعندي خبره
انا تقريباً لي اسبوع بالشهر الخامس ومن كم يوم احس بطني يتحجر
ويشد ويصير قاسي وينتفخ زي الكوره يجلس وقت ويروح هل هذا الشيء طبيعي
يصير بالشهر الخامس انا اسمع ان التحجر يجي بالشهور الاخيره مو الحين ولا؟
بحثت بقوقل وطلع انه بداية طلق او ولاده مبكره ومأدري ايش ذبحني الخوف والوسوسه وشيلت الهم
ماعرفت انام امس من التفكير مأقدر اروح للدكتوره عشان اتطمن زوجي يقول مو كل ماحسيتي بشيء نقزتي للمستوصف مل المسكين من كثر مايوديني وهو صادق كل شوي وانا مسويه سونار
موعدي الجاي تقريباً بعد اسبوعين اللي مريحني ان الحمدلله مااحس بالالام ولاشيء بس هالتحجر اللي يروح ويجي

طمنوني الله يحفظكم من كل شر ودعواتكم ان الله يتمم حملي على خير ويتمه تسع شهور من غير زيادة او نقصان احس ماراح اولد الا وشعري كله شيب من الهم والوسوسه خايفه افقده بأي لحظه الله يلطف بحالي ..