تحديات الغربة!!!

اسم زى اسماء الافلام العربى هه؟؟:)
بس فكرتى اننا نتكلم عن المشاكل التى تواجهنا هنا و لا تحدث فى بلدنا ..حابدأ بنفسى ..
انا اكتر مشكلة بتواجهنى بعد البعد عن الاهل والاحباب والبلد هى مشكلة الأكل
و طبعا دة من خوفى الشديد ان اى حاجة آكلها انا واسرتى أو نستخدمها يكون فيها خنزير
او دهون من لحوم ليست مذبوحة حسب الشريعة.لكن والحمد لله نأكل اللحم والدواجن الحلال
ياريت كل واحدة تكلمنا عن نوعية مشاكلها فى الغربة زى اللغة واختلاف العادات و التقاليد او
مدارس الاولاد او اللغة العربية وازاى بتقدروا توفقوا بين الدراسة فى المدرسة و
تعليم اللغة العربية والقرآن للأولاد ؟ و هل انتى بصراحة راضية عن مستوى المدارس العربية
فى امريكا؟؟ واللى عندها افكار او حلول لمشاكل اللغة ياريت نتبادل الآراء فى المشاكل
و الحلول لتحديات الغربة.