تحديث زوجي الجديد

السلام عليكم


ي بنات زوجي مدري وش فيه من بداية رمضان وهو وراي وراي مثل البطه وعيالها وطايحلي بس ينتقد
يرجع من العمل الظهر ومن وقتها حتى المغرب بس وراي وش ذا وش تطبخين لاتسوين وش تسوين وبس ينتقد ماغير الله وكبر ي الخبيره الله يديم النعمه وش حاطه مو كذا ي بنت الناس انتي بالله تسمين نفسك حرمه وخري وخري بس انا اعلمك ياليل طول اليوم كذا طلع روحي حتى بالفطور ما اتهنا


وزوجته كاني ناقصتها ماغير كل يوم الساعه ١٠ تتروش وترقص لي عراقي بالصاله ماغير شعر شعر وانا ياليل المشكله زوجي قال طول شهر رمضان مراح اقرب من وحده عشان لايحرجنا وهي ماغير تبيني اشك وانا مسفهتها بس اشغلتني اك اك اعترف مرات اشك بس عادي اطنش
وحياااتي جحيييييم والحين اجازة العيد بروح اعيد عند اهلي وودي اعلم ابوي واقوله خلاص بتطلق .

لاني تعبت حارقه عمري ولا في فايده

وش الي ابيه منكم ابي نصيحه ي وحده تقولي اتحمل وربي بيفرجها وتعرف وحده صار لها كذا لاني اعشقه وهو بس يدوسني بالجزمه وانتم بالكرامه


او وحده تقولي نصيحه مثل الكف تخليني اصحى على نفسي واعزها واطلع من الي انا فيه

رمضان مبارك عليكم