تحديد جنس الجنين بالوراثة

السلام عليكم ورحمة الله وبركاته

طبعا موضوعي أبدا مش عن تحديد جنس الجنين .. عن النظريات الغريبة العجيبة اللي بيطلعوا فيها البنات في القسم و كل يوم موضوع ونظرية و احصائيات غريبة

بصراحة غريبة هالمواضيع و الأغرب انتشارها و تصديقها

اذا بكرك بنت تاني بيبي بنت .. !

اذا بكر امك بنت معناتها بكرك انت ولد !!

اذا اخوات زوجك أكثر من اخوانه معناها بكرك بنت !!!

والله كل هالمواضيع وغيرها موجودة في القسم ..


يا جماعة كم مرة لازم الواحد يقول .. عمره جنس الجنين ما كان وراثة .. ما اله دخل حتى باخوه اللي قبله ...

احتمالات الجنين الواحد 50:50 ولد او بنت .. ما في أي أي أي عامل بيأثر عليه من برة لا ام البنت ولا اخوات الرجل ولا بكر الأم و لا شي أبدااااا ...

المواضع كتيرة و المشكلة الكل بيحلل و بيأكد و بيوافق .. والشي الوحيد اللي اله علاقة بتحديد جنس الجنين بعد ربنا هو نوع الحيوانات المنوية اللي لقحت البويضة وانتهينا ...

مو معقول الكل متعلم وفاهم و لسه بنحكي في هيك مواضيع القسم فيه يمكن 4-5 مواضيع كل واحد نظرية غير عن التاني و للأسف بتلاقي ناس تعلقوا بآمال من ورا هيك مواضيع ونظريات ..

يا ريت نرتقي شوي بمواضيعنا .. حتى اللي بتقول ملاحظة انه اللي بكرها ولد بتجيب بعده ولد .. تذكرها ملاحظة كملاحظة .. أما تنزل موضوع ويبدأوا البنات يأيدوها، وانتو عارفين قديش في ناس في القسم عم يتعلقوا بأقل وأوهى أمل من حيث نوع الجنين .. بصراحة غلط هالمواضيع برأيي

ورجاء لا حدا يعتبر الموضوع هجوم شخصي على اللي كتبوا مواضيع من هالنوع ولا أيدوها .. هي مجرد وجهة نظر علمية أكيدة .. مش من مشاهداتي ولا ملاحظاتي على الناس اللي حواليّ .. العلم والدين وكل المنطق هيك بيحكي ..