تحدي بين مونه وقطوره .. ونشوووف من اللي تنحف الأول

نرجع حق محور حديثنا
هههههههه
المهم اتفقنا وحلفنا واقسمنا ان مايعوقنا عن طريق الرشاقه شي
:7_5_131: :7_5_127:
ولا عاد نرجع نخبص مثل اول (الا الأيام للي نحددها ) الين نوصل للهدف اللي نبيه
ورجيمنا لأنه طويل الأمد , ماراح نحدد اي نظام معين وبنمشي على مهلنا ,واحنا بنشوف اللي يناسبنا ,
وراح يكون هذا عن طريق المفاوضه والمشاوره بكل شي , سواء بالدايت , بالرياضه , بالاشياء المحفزه على حرق الدهون,
سواء بالشاي الاخضر , الزنجبيل , البردقوش , ...... الخ
وكل وحده تاخذ اللي يناسبها لأن
مونه عندها انخفاض بالضغط , وقطوره عندها ارتفاع بالضغط
مونه عندها غده , قطوره عندها هرمونات وتكيس

يعني كل وحده تاخذ اللي يناسبها ...
الوزن وماادراك مالوزن : مانقيس الا كل يوم الخميس
مو كل يوم توزنين وتجين تصيحين يامونه :angry2:
ثم تتحطم نفسياتنا ونحبط ونرجع من نقطه الصفر

الأهداف :

مونه عندها هدف وهو انجاب الأطفال لأنو مايثبت الجنين بسبب الوزن الزايد
أسال الله العظيم رب العرش العظيم ان يرزقها الذريه الطيبه الباره عاجلاً غير اجل

قطوره محجمه عن الزواج بسبب وزنها اللي معقدها

الهدف المشترك بيننا , نحلم بالرشاقه والصحه والعافيه لأن لاصحه مع السمنه , وكذالك نحلم بلبس مقاس s ونتغندر ونتهنى بشبابنا

عندنا هدف الأول .......... عيد الأضحى
ونشوف الشطوره كم تنحف اكثر
من 10/11/1430 الى 10/12/1430هـ

الهدف الثاني اطول

الأجازه الصيفيه
10/ 6/1431هـ

الهدف الثالث والأخير
عيد رمضان الله يبلغناه على خير
1/10/1431هـ

وأسأل الله العظيم رب العرش العظيم انا ننحف قبل هالموعد
لكن نحن من الأوزان (الهاي كلاس) جوده عاليه ماتنزل بالساهل:eek:
لكن بالعزيمه والهمه , ومافي شي مستحيل
والمثل يقول مايهل الحديد الا الحديد
وانا ومون نقول مايهل الشحوم الا الصبر والأرااده ,, اتفقنا يامونه



طبعاً مونه سبقتني من اسبوع ماشيه على دايت الدكتور صالح الراجحي , وأنا اقول لها جعلك على القوه وقلبي وروحي ودعواتي معك واقول انتم السابقون وأحنا الاحقون
وسنبدى من اليوم بحيل الله
10/11/1430هـ

من هنا أجدد القسم واقول أقسم بالله العظيم أني لن ولن اتخاذل ولن اخذلك ولن اتراجع يامون وسأكون عوناً لك بعد الله , وسأكون موجوده هنا وهناك وبكل مكان ,
واذا لم تجديني فتاكدي اني لست من سكان الأرض ...
كما أسال الله العظيم رب العرش العظيم انه يخفف عنا بالعافيه ويحقق لنا منيتنا ويكون بعوننا ,
أتمنى من كل من دخل هذه الصفحه ان يدعوا لنا ويشجعنا
وجزى كل من دعى لنا كل خير

المايك مع مونه

صباحك
ورد وفل وجوري
باعز انسانه على قلبي

الله يصبك بالرضا والعافيه يابعد عيني
مثل ماتفقنا يابعدهم .. الحين اكلت حبه الردكتيل وبنام
والغداء بيكون تفاحه وزبادي خالي او قليل الدسم , والعشاء عصير اناناس وكيوي
وفالك الرشاقه الى الامام
<- متحمسه بقووه ياجعله دووم ولا اهون

وانا بعد أجدد القسم واقول أقسم بالله العظيم أني لن ولن اتخاذل ولن اخذلك ولن اتراجع ياقطوره وسأكون عوناً لك بعد الله , وسأكون موجوده هنا وهناك وبكل مكان ,
واذا لم تجديني فتاكدي اني لست من سكان الأرض ...
كما أسال الله العظيم رب العرش العظيم انه يخفف عنا بالعافيه ويحقق لنا منيتنا ويكون بعوننا ,

تصبحين على خير
وانا بعد باضرب ابرتي وانام ونلتقي وقت اخر ان شاء الله
في حفظ الله