تحذيرات وتعليمات....من طبيب الاطفال

تحذيرات وتعليمات....من طبيب الاطفال


من كم يوم رحت لطبيب الاطفال ........لان بنتى -9 اشهر- ما تنام بالليل....ولا تخليني انام..المهم الطبيب عطاني معلومات مهمه وايد ويمكن كثير منا غافلين عنها..........او يمكن بعضنا ما يعرفها...........وهي:


* ابدا ما لازم تخلين الطفل ينام على بطنه.......لأنه هذا ممكن يسبب -لا قدر الله- الموت المفاجئ.....بس ما يخالف ينام على الجانب

* في الفتره اللي الطفل يسنن فيها....حاولي بقدر الامكان تتجنبي تعطين الطفل اي نوع من العصاير...لأنها تأثر على الاسنان...وممكن تستبدليه بالحليب او الماء


* بعد الطفل لما يقوم كم مره بالليل ما شرط يكون يريد يرضع او شي يألمه...بس ممكن يكون يريد يتأكد انه في احد قريب منه...سواء الام او الاب..فلما يبكي المره الاولى ..طبطبي عليه ومسحي على جسمه ...بدون ما تشيليه من السرير...الحين الاحتمال الكبير انه يرجع ينام...واذا بعده...شيليه على حضنك واعملي نفس الشي بس لا ترضعيه....اهم شي يكون نايم وهو شبعان...بعدين رجعيه...الحين لما يقوم للمره الثانيه اتركيه ولا تحسسيه انك موجوده ...يعني دقيقتين او ثلاثه..وبعدين سوي نفس اللي خبرتك عليه ...والمره اللي بعدها...خمس الى عشر دقايق..وكذا...كل مره تزيدين الفتره...وكذا راح يتعود..الحين الطفل في هالعمر...ما يحتاج يرضع كثير بالليل...يعني بس مره او مرتين بس..اذا حسيتيه انه بعده يريد يرضع....لا تعطيه حليب...عطيه ماء..بعدين على قوله الدكتور بيمل وبيقول احسنلي انام..تعبت من الماي :11:...



هذا اللي تذكرته للحين........وحبيب افيد الامهات الحلوااااااات في منتدانا الحلو...واذا اذكرت اي شي ثاني راح اضيفه...واللي عندها معلومات لا تبخل علينا