تحذير(سوق الرياض مول) الي عندها اطفال تدخل

السلام عليكم
بقولكم السالفه بااختصار ومن خوفي على عيال الناس تعنيت وكتبت هالموضوع
رحت سوق الرياض مول امس كان معي بنتي عمرها 4 سنين واختي وامي
المهم لفت انتباهي رجال ياشر لبنت صغيره وتظحكله وهو يظحكلها من بعيد ومعها حرمه بس ماناظرت للرجال
المهم احنا نفتر من محل لمحل لقيت الرجال يمشي ورانا واذا دخلنا محل وقف قدام الباب ينتظرنا انا على بالي بيغازل
قلت لما يشوف مو معطينه وجه بينقلع
ومن محل لمحل لقيت الحرمه الي معها بنت تلحقنا وكل مادخلنا محل تدخل ورانا ايش السالفه انهبلنا
المشكله موراعية شراء يعني تدخل حتى تدور ماتتفرج على البضايع
المهم اخر محل دخلناه دخلت ورانا وتناظر بنتي عرفت انها لها نيه على بنتي وان الرجال الي برا تبعها
واختي تحسب ان الرجال يلاحق بنتها راحت قالتلها انتبهي من هالرجال شكله بيخطف بنتك الحرمه ماخافت من كلام اختي وتحسونها مو خايفه على بنتها المهم اختي يوم حذرتها قالتلها حتى احنا خفنا واتصلنا على ابونا بيجي ياخذنا
بعد هالكلام الحرمه وبنتها والرجال اختفو من السوق اختي بغت تموت من الخوف يوم علمتها ان الرجال متفق مع الحرمه


الزبــــــــــــــــــــــــده
انا نبهتكم عشان تنتبهون لعيالكم والله الدنيا مالها امان الحين يخطفون ويذبحون ويبيعون الاعضاء انتبهوووووووووو
انا كنت اخلي بنتي واقفه جمبي واتفرج على الملابس بعد الي صار يدي بيدها
اللهم بلغت اللهم فاشهد لانكم بتتحاسبون على عيالكم ومو شرط الرياض مول بس كل الاسواق فيها بلاوي
دعواتكم يالغاليات:44: