تحذير

صار لي كم سنه أعاني من تساقط شعر ... جربت أكثر من علاج .. بعضها ما ناسبني ( طلع لي شعر في الوجه) ف تركتها ... استشرت أكثر من دكتور .. و أغلبهم أعطوني نفس العلاج... للأسف أنا ما اقتنعت بكلامهم و رحت لدكتور كل الناس تمدحه في زراعة الشعر ... شخص حالتي انها صلع وراثي .. مع ان عمري 22 .. ووصف لي أدوية ..من ضمنها (proscar) .. أنا كنت واثقة في الدكتور لدرجة إني بديت بالعلاج ... لكن الحمدلله ربي أرسل لي صديقة أمي( طبيبة جلدية) و لما عرفت اسم الدوا انصدمت ... لأنه علاج جدا خطر ( هو أصلا علاج للبروستاتا عند الرجال و من آثاره نمو الشعر ، عشان كذا يستخدم لهذا الغرض) و آثاره الجانبية كثيرة ممكن تسبب مشاكل في الحمل ، و حتى لو وقفتي العلاج وقت الحمل أو قبل بفتره ، ، نسبة تشوهات الأجنة كبيرة جدا .. و مع كل هذي العيوب نتائجه للشعر ماهي دائمة و تتوقف بعد توقف مدة العلاج.... يعني بالعربي العلاج أضراره أكبر بكثير من فوائده ... حبيت تستفيدون من تجربتي .. و الله يسامح هالدكتور.. اللي زيه المفروض تنسحب شهادته ..
ممكن تعملون بحث على أضرار الدوا ، هذه الأسماء كلها لنفس المنتج (على حسب الشركة المنتجه):
Finasteride (marketed as Proscar, Propecia, Fincar, Finpecia, Finax, Finast, Finara, Finalo, Prosteride, Gefina, Appecia, Finasterid IVAX, Finasterid Alternova

اللي يبي يعرف اسم الدكتور يراسلني ، و تكفون يا بنات .. دايم ابحثوا عن الأضرار الجانبية للأدوية ، حتى لو الدكتور اعطاك شرح ناقص و مختصر.. الله يسامحه