بالنسبة للنت ما عندي خلفية
بس الباقي اكيد يقدر اذا كان يعرف الباسورد اللي هي كلمة المرور
حت الملاحظات والتذكيرات وجهات الاتصال والصور
لانه يكون محفوظ عن طريق السحابة الاي كلاود
الله يعين هذي السحابة مفيدة وسيئة بنفس الوقت مفيدة تحفظ لك كل شي حتى لو مسحتيها من الجوال
ووسيئة اذا احد يعرف حسابك ويقدر يدخله

شوفو خواتي
قبل لا تسوون ريستور وفرمته للايفون لان طريقة ريستور هي اللي تريحني اكثر ويطلع الايفون كاني توي شاريته وبعدها سجلي بحساب جديد انتي مسويته

بس قبل الريستور احفظي الصور في الكمبيوتر ( واتمنى اخواتي انكم ما تصورون بنات بالغات الحلم أولا لانه ما يجوز فتوى سمعتها بنفسي من الشيخ عبدالعزيز الفوزان
ثانيا لان الصور لابد وتطلع لاحد اجنبي عنك او يضيع جوالك )
واكتبي الارقام اللي مو موجودة في الشريحة لان اذا سويتي ريستور بتروح الصور والارقام

وبعد حفظ المعلومات

فيه طريقة تمسحين الصور وجهات الاتصال من الايفون لاني ما ادري هل اذا حذفتي حسابك ما يقدر راعي المحل يدخله ويشوف الصور القديمة ؟ يعني ما تنحذف الصور القديمة من الحساب القديم لان الاي كلود هو اللي يحتفظ بكل شي علشان كذا احتياط

روحي لموقع الاي كلاود

https://www.icloud.com/

وسوي دخول بحسابك القديم
وادخلي على جهات الاتصال واحذفيها والبريد واحذفي
والصور علشات تحذفيها روحي لاسمك اللي فوق يمين مكتوب حسابك وجنبه مكان صورة اضغطي على الحساب وبيفتح لك صفحة
روحي لم advanced اضغطيه بيسألك اذا تبين تحذفين الصور من الاي كلاود اختاري اوكي وبعد اوكي وبكذا تكون الصور انحذفت باذن الله
واتمنى انه ما يقدر بعد مكذا يرجعهن
الطريقة هذي اخذتها من اليوتيوب

بالنسبة ممكن وحدة منكن اشترت برامج وتخاف يروح عليها
اكيد بعد الريستور بيروح كل شي

لكن تقدرين تحملينها من الاب ستور تسجلين بحسابك القديم اللي انتي حملتي فيه البرامج وبتلقينهن موجودات في الابديت
وهذا ما له دخل في حساب الايكلاود الجديد
واذا حملتي اللي تبين سوي خروج من الحساب القديم في الاب ستور وحطي حسابك الجديد وابدأي حملي البرامج الجديدة بحسابك الجديد

هذا اللي اقدر افيدكم فيه والله اني مقهورة وحاسة بشعوركم

وادخلو موقع الكفي وسوو بح باللي يشكل عليكم او عن طريق قوقل وبتلقون الاجابة والشرح الوافي اكيد باذن الله

الله يحفظكم

اختي اسيرة الامل الفضل لك انتي بعد الله فانتي صاحبة الموضوع وانتي اللي فكرتي بأخواتك

فادعو الله ان يسترك فوق الارض ويوم العرض ويحفظ بناتك وبنات اختك ويرزقهن الستر والحشمة والعفاف

ويحفظ اعراضنا واعراض بنات المسلمين

فيه معلومة مفيدة
في حال ان الايفون ضاع او انسرق لا قدر الله وخفتي على الصور والمعلومات
وما فيه امل يرجع لك
تروحين للوكيل الرسمي موبايلي او اس تي سي ومعكم الكود حق الايفون موجود في العلبة ويقدرون يحرقون الايفون عن طريق الكود ولا يقدر اللي سرقه يستخدمه او يستفيد منه

والله اختي المحتسبه انتي افدتينا كثير بالموضوع
والله يجزاك عن كل بنات المسلمين خير الجزاء
رفع للاهميه