تحذير لكم يابنات حواء...ارجو الدخول للأهمية

حابة ادخل في الموضوع مباشرة..
كلنا اكيد سمعنا بالحديث " لا يؤمن احدكم حتى يحب لأخيه مايحب لنفسه"
من هالمنطلق حبيت انبهكم اخواتي عشان ما يصير لكم اللي صار معي,,انا من كم يوم كتبت موضوع اسأل عن الصبغات والمشاغل وانا متعودة في اغلب اموري ارجع لمنتداي الحبيب "حواء" واستفيد من اخواتي لكن للأسف لما يكون فيه اشخاص يكتبون لمصالحهم الشخصية وماعندهم مصداقية وامانة واللي صار معي وحدة من العضوات ارسلت لي رسالة على الخاص تمدح لي مركز بصراحة اول مرة اسمع عنه لكن من شدة المدح والمميزات اللي ذكرتها برسالتها اغرتني وحمستني اروح لهالمركز بدون تفكير ولا سؤال وانصدمت لما رحت مالقيت ولا شي من اللي ذكرته الاخت لقيت مشغل متواضع ومافيه زباين وبس عاملتين وصبغت صبغة بدون مبالغة اشين صبغة صبغتها بحياتي طلع لي لون بعيييييييد عن اللي طلبت والمضحك المبكي لي ان صاحبة المشغل اتصلت وانا اسمع تطلب الصبغه من مشغل ثاني شكل ماعندهم صبغات..وهذا يهون عند الحواجب طلبت صبغة وتشقير والله احرقوني ولعبوا فيني مرة تحط صبغة غامقه ومره تفتحها تصدقون انها لما خلصت تشقير وصار اللون اصفر واااضح ايش سوت ؟؟؟قالت ماعليش ماعندنا صبغة بيضاء وحطت اوكسجين لحاله حرقتني فيه.. والله احس كانوا يتعلمون علي واشك انهم كوافيرات.
والصدمة لما رجعت بيتي دخلت النت وسويت بحث للاخت سامحها الله ولقيت جميع مشاركاتها ومواضيعها دعايه لهالمركز مما اكد لي انها صاحبة المشغل او لها صله كبيرة له.
واذا المشرفات بيسمحون لي ذكرت لكم اسم المركز واسم الاخت اللي اقترحته علي وهدفي التحذير فقط ومالي اي مصلحه ثانيه.
والله وربي يشهد ماابغى من موضوعي هذا اني اضر احد بس حبيت انكم ماتنخدعون مثلي ولا تكونون مغفلين مثلي.