تحذير للإماراتيات وخاصة اهل دبي...

السلام عليكم ورحمة الله وبركاته...

شحالكم حبيباتي وشو علومكم؟؟؟ الصراحة هذي اول مشاركة لي في قسمكم وان شاءالله افيدكم...
بدخل في الموضوع بسرعة ... سلمكم الله عندي أخو صغير اسمه سيف وعمره 9 سنوات... يوم الخميس اللي فات كان يلعب فديته ومافيه شيء المهم الفليل سار يرقد بسلام بس الفجر قام من النوم يصارخ ويشتكي من وجع الراس... المهم عصر الجمعة ودوه عيادة العايلة الي عند المستشفى الإيراني وصرفوله من هالسموم وضربوه إبر وقالوا هاتوا اليوم الثاني ... وصباح السبت ودوه وسووله تحاليل وبهدلوه وايد والله ويعطونه من هالادوية وهو المسكين أبد مايتحسن وعقب قالوا هاتوه العصر وبنعطيكم النتيجة...

المهم ودوه وهو كان وايد تعبان ... عاد أمي وأبوي دخلوا عالدكتور وتعتقدون شو قال؟؟؟؟؟؟؟؟؟؟؟؟؟
قال إن الولد مصاب بالملاريا ويقول بعد إن المرض منتشر عندنا وايد وهو بنفسه أشرف على حالات كثيرة في مستشفى راشد.....

الله يبحصة خبصنا خباص.... وصرف لسيف دواء عجيب وغريب والحمدلله أمي ماشربت سيف الدواء لأنها شاكة...
وعقب ساروا مستشفى دبي اللي في الحمرية وخذوا الأدوية معاهم وعاد دخلوا على دكتور وخبروه عن الحاله المسكين الدكتور يقول ماعندنا هالحالات نهائيا بس بعد بسوي تحاليل عشان نطمنكم... يحليله والله...
وبعد التحاليل الحمدلله طلع أخوي مافيه شيء إلا حمى عاديه مب الملاريا... وعاد شاف الأدوية اللي انصرفت لاخوي وقال هذي الأدوية تسبب تكسر في الدم وإذا الولد شرب منها جان مات عليكم.....

بالله عليكم لو إنتوا مكانا شو بتسوون :mad: والله قهر...

بعد الغيظ والسب قررت أسير عيادة العايلة وأدخل عالدكتور الهندي ( راجي ماثيو فارجيس) ×××××××
عشان جي الغاليات لاتسيرون عيادة العايلة خاصة عند هالدكتور المستهتر لان بيضر عيالكم بسم الله عليهم...

والله الشاهد على كلامي اني صادقة وماتبليت على أحد....

والله لايوريكم شر في عيالكم...