قصتي مع مشغل العنايه الملكيه _ الله لايسامحهم _ كان زواج بنت خالتي ورحنا المشغل على اساس مدح وحده من عضوات المنتدى ورحنا _ الله لايوريكم - وتعرفون النفسيه اذا صار عندك زواج مهم
طبعا رحنا الساعه 1ونص الظهر لان عددنا سته والزواج يبدا الساعه 10 الليل حنا لازم نكون في القاعه الساعه 9 لان امي راح تكون مع خالتي في الاستقبال
والقاعه بعييييده مررره على طريق المدينهالمهم دخلنا عند الاستقبال وحده اسمها منى وشرحنا لهم وضعنا وسألناهم في امكانية لاناماحجزنا من قبل كنا مسافرين ووافقت ووزعتنا 3 عند الجوهره 3 عند العنود
الله لايسامحهم جلسنا الى الساعه 6 المغرب مادخلنا ولاوحده منا عند الكوفيرات وفي الاخير نكتشف ان العنود اساسا مو موجوده
والجوهره تاخذلها ساعه على الوحده وتقول يدي خفيفه وسريعه لاتخافو والطامه الكبرى ان مافي المشغل زحمة بس احنا وعايلة ثانية يقولون حاجزين من ثلاث شهور وجو المشغل من قبل مايفتح ولا بدأو في المكياج الا الساعه 4 واحنا بعدهم وهم مصيبتهم مصيبة كان عندهم عروستين
وزواجهم من الساعة 7 وعددهم8 وع فكرة كان في وحده ثالثه تسوي مكياج اسمها لين ع بالنا هي العنود طلعت موهي واللي تسوي تسريحات بس وحدة اذا هم موقد المشغل لييييييييييييييييييييه يفتحونه!!
قبل لانروح عندهم رحنا مشغل سفن ال وكان مسكر يقولون العاملات نصهم في اجازه....
المهم جلسنا جلسنا جلسنا ننتظر
لين صارت الساعه 7 ولا مكياج ولا تسريحه ولا شي كلنا امي زعلت وراحت البيت واحنا قعدنا ماصار فيه مشاغل تستقبلنا الحين يعني امسك قردك لايجيك اللي اقرد منهبعدين جت العنود الساعه5 لا وزعلانه وتنافخ على حقت الاستقبال تقول لاتدخلين عليه احد لكن وحده من العايلة الثانيه لحقتها ودخلت وسوت المكياج وبعد ماخلصت دخلت اختها الثانيه وكانت الساعه 7 وبعد ماخلصت دخلت اختي على الساعه 8 وجا اخويه وعصب واهلي ينتظرونا ف البيت وابويه كبير في السن
وعصب مرره يقول من الساعة 1ونص الا9 في المشغل ليش؟ ورجعنا بفررنا وحده منا سوت مكياج وانا سويت تسريحه بدون مكياج والباقي تيتي مثل مارحتي مثل ماجيتي
ولما طلعنا من المشغل جلسو يترضون فينا وين رايحين تعالو سووالمكياج طيب التسريحات طيب مدري ايش؟ واحنا نطالع
فيهم من جدكم انتو يوم صرنا ف العبايات تقولون تعالو منتو صاحين
روحو هناك! جالسين لنا 8 ساعات ولاحد عبرنا ويوم صرنا بالعبايات تكلمتو المشكلة نروح فين اللي اسمها لين على عروسه زوجها واقف برى عند باب المشغل له ساعه ينتظرها والعروس الثانيه بس لفلفتو شعرها وجالسة تنتظر 
وباقي العايله وحده عند جواهر ووحدة عند العنود يالله خلصو وراحو والله قرف
تعبت نفسيتنا وتعبنا ضغط نفسي بشكل رحت البيت وانا ابكي
ورحنا حطينا مكياج من عندنا اي كلام ورحنا الزواج ماوصلنا الا10ونص والناس كلهم هناك ووجيهنا تجيب الهم والغم
بس الله لايسامحهم لوقالو ما عندنا امكانية ولا كان قالو ان اللي اسمها العنود بتتأخر اما يقولو
يالله روحو عند العنود ونروح نجلس بجنب غرفة قال ايش قال العنود داخلها وشوية الا والغرفة مافيها احد
ليش كذا لو قالو بس بتتاخرون لان مافي عاملات كان رجعنا البيت وسوينا مكياجنا برواقة بايدينا والله
رحنا البيت وبسرعة بسرعه سوينا مكياج عاااااااااااااااادي ورحنا
الله لايسامحهم بس حبيت افضفض واكتب معاناتنا في ذاك اليوم اللي احداثة بايخه واقول للبنات لاتصدقون
كلام النت اغلبه بس ترويج ولايخدعكم شكل المشغل وديكورات ترى خراط و ترا اهم شي النفسيه رحنا الزواج وعيوننا حمر عاد من قل المشاغل في جدة بس حظنا طيحنا في هالمشغل الخايس قال عنايه ملكيه الا تدمير نفسيه
وسامحونا ع الاطالة
المنكوبة واخواتها
غريبه مع انو على قولك ياما جاهم مدح فالنت
وللأسف هذا حال معظم المشاغل
الله لا يحدنا عليهم
والله انا وقت الزواجات اريح دماغي مكياجي انا اسويه بنفسي فالبيت سواء كان
من قرايبي او من بعيد واذا رحت الزواج الأنظار كلها عليا
لأني ياما شفت من المشاغل غير كذا ما يعجبني مكياجهم واذا كان مكياجهم حلو ما اظمن نظافتهم
صرت ادرب نفسي فالبيت انزل صور ع الجهاز واحاول اطبقها واحضر دروس ع النت واسأل عن أفضل ماركات الميك اب
والحمد الله استفدت كثييييييير
ومشكووووووره على نقل تجربتك حبيبتي والله ياخذ حقك منهم انتي واهلك اذا مو فالدنيا فالآخره ان شاء الله
حسبي الله عليهم