تحذير للمتسوقات

السلام عليكم ورحمة الله
كيفكم بنات ..
البارح كنت رايحه مشوار ونزلت في محل ادوات صحيه وكهربا اخذت نجفه ب 60 ريال وماكان معي بالبوك الا خمس ميه وكنت مستعجله مره صاحب المحل قال دقيقه اجيب صرف ولما شافني رحت اتفرج على الصنابير المويه
على بال مايجيب الصرف طلع من الدرج مجموعه فلوس كلها خمسينات وعشرات وحسيتهم كثار مانقص منهم شي وغلطتي اني ماعديتهم لان كنت مستعجله وماتوقعت انه راح ياخذ شي من الفلوس
لما وصلت البيت لقيت بس 340 ست خمسينات واربع عشرات يعني ميه ريال ناقصه قلت لزوجي بارجع اخذها قال وش يثبت ؟!! ماراح يرجعها لك مادامك طلعتي من المحل بدون ماتعدي فلوسك هذا درس لك :humm: لو كنت كشفتيه بوقتها راح يسوي نفسه غلطان ويتاسف و قال هذي حركه طايحين فيها العماله الوافده لان مافيها ضرر عليهم بيعتبر انه غلط بالحساب ومنها يكسبون اضعاف رواتبهم المشكله انا دايم مااعد الفلوس اللي ترجع لي لما اروح للسوق او شي يمكن راحت على الاف مؤلفه علي بدون مااحس
حبيت تنتبهون و تستفيدون من الدرس اللي انا اخذته :024: عشان هالعماله الوافده ماتلعب علينا
وسلامتكم ....