مدري احد سبقني على الموضوع او لا بس حبيت لكم الخير
قدر الله وشريت من هالقلم لونين (رمادي وبني) على أساس انه تاتو للحواجب من محل إيفل بمجمع البستان في الاحساء
المصري اللي يبيع سندرني قال لي انه يخلص من السوق بسرعة وانه تاتو قوي وما يروح إلا بمزيل ميكب... مادري شاللي خلاني اشتريه مع ان ريحته بايلوت ...
المهم خذته وعقب ما رجعت الدوحة قلت ادور عنه بالنت وانصدمت لما عرفت انه قلم بايلوت (خطاط لوحات) يبيعون منه اللون الاسود والبني والرمادي على انه تاتو واحنا يا غافلين لكم الله
وهذا موقع القلم البايلوت..
(( بنات اللي تبي الموقع تتاكد ترسل لي خاص لان الاداره يمنعون الروابط لمواقع ثانيه ))
واللي خلاني أتأكد أكثر شيكت على أرقام اللونين اللي عندي
الرمادي (WG9 Warm Grey)
و البني (98 Chestnut Brown) ولقيتها نفس الأرقام والأكواد اللي فالموقع
شوفوا الرابط
((( اللي تبيه ترسل لي خاص ))
يعني لا هو تاتو ولا هم يحزنون ... فحاسبوا لا يقصون عليكم وتشترونه..
ناس ما يخافون الله يدورون على الريال لو بالحرام .. عيل قلم خطاط صار تاتو .....
و حاسبوا تستخدمونه لانه مش مصنوع للاسخدام على الجلد وما يحتاج انبهكم من خطورة الاصباغ والمواد الكيماوية وتأثيرها على الجلد والبشرة من تساقط شعر الحواجب وغيرها واللي ممكن توصل لسرطانات الدم والجلد والعياذ بالله ..
الا هل بلغت اللهم فاشهد ..
اذا تبوون بديل خذو من بودي شوب حتى لو غالي ع الاقل ماركه طبيه ومشهوره
او من فور ايفر تلاقونه بـ وجوه بالعثيم مول بس لاتخذون الفاتح ولا الغامق خذو الوسط بينهم احلى لان فيه 3 الوان
منقوووووووول للفائده
وانا عن نفسي يابنات سبحان الله مارتحت له من شميت ريحته مثل اقلام الفلومستر وانا ناغزني قلبي من ناحيته ..
ومن سنتين وانا استخدم تاتو فور ايفر والله مرتاحه عليه ولونه خيال
عاد لاتنسون شكرا لك:27: