تحذير من حفاظات الطفل الجديده!!!

هلا ببنات حواء كيييلكم ..المتزوجه والغير متزوجه:)

بدخل بالموضوع على طول...

هذي قصه صارت لي أنا شخصياً وأبيكم تتعضون منهه...

عندي بنت رضيعه ربي يحفظهه ويحفظ عيالكم إن شاء الله ... المهم .. بالعاده أشتري حفاظاتهه من الصيدليه, بس إذا كنت مستعجله ,أشتري الحفاظات من أي براده أنا جريبه منهه...

وأنا وحده أشتغل, والظهر طبعاً الياهل بيد الخدامه, تغديهه وتغير حفاظاتهه..

ذاك اليوم, وكان يوم الجمعه, شريت حفاظات من البراده إللي إحذانه, الظهر, وما كان لي نفس أباعد وأروح الصيدليه...

وكنت أنا أبي أغير حفاظ بنتي الصغيره, فتحت كيس الحفاظات, وخذيت وحده أبي ألبس بنتي, ولأني متعوده لما ألبس بنتي شي أنفضه, نفضت الحفاظه وخليتهه على الأرض علشان ألبس بنتي, إلا أشوف نمله حمره تمشي من داخل الحفاظه, نفضتهه بيدي قلت يمكن من زولية الغرفه, حطيت الحفاظه مره ثانيه وفتحت الثنايه ماالت الحفاظه إلا أشوف جم نمله موزعين!!! رحت ركيض و أخذت كيس الحفاظه الجديد المطبخ, وشلت جم حفاظه مصفوفين فوق بعض, إلا يا بنات ما أشوف إلا كتل نمل أحمر ( هذا إللي يقرص) متجمعه وتمشي على الكيس بصوره تخوف , أنا إرتعبت صراحه , سيده حطيته بكيس وإتصلت براعي البراده وطحت فيه عدل, وهذا كله سوء تخزين...

حمدت ربي وشكرته إني كنت بالبيت وأنا أغير حفاظة الياهل..

تخيلو لو كنت بالشغل والخدامه هي إللي بتغير حفاظة الصغيره!! جان سيده لبستهه الياهل, وبنتي لو تصيح من اليوم لباجر, الخدامه مابتفتح الحفاظه لأنهه توهه ملبستهه إياهه, وبتقعد تهزهزهه وتعطيهه حليب.. وإسم الله على بنتي , الله العالم شنو هالنمل بيسوي...

تره هذا درس لي ولكم, حتى الفوط الصحيه و الcare free, لا تشترونه إلا من الصيدليات.. النمل و الحشرات تربه في ثنايا القطن و هذي اللي يسبب بعيد الشر إلتهابات إحنه في غنه عنهه...

وألف الحمد لله والشكر إن الله نبهني وسلم بنتي...

وسلامتكم:26:

ملاحظه: جم مره تكررت كلمت حفاظه بالموضوع؟؟!! هيهيهييييي