تحذير من د. غفران في مستوصف الموعد الطبي

السلام عليكم

د. غفران في مستوصف الموعد الطبي .. شارع العروبة .. في الرياض

سويت عندنا ليزر للمنطقة الحساسة البكيني ..
طبعا أنا رحت لها خصيص لأن الليزر عندها خدمة ذاتية ..

أول شي .. سعر المنطقة هذي 750 ريال .. مع التروش ..
ثاني شي .. عدد الطلقات عندهم محدود بـ 60 طلقة .. لو انتهى العدد وانت ما خلصتي تروح عليك ..
ثالث شي .. السعر ما ينزل لو سويتي 100 جلسة ..
رابع شي .. خدعتني وسوت لي المنطقة بجهاز الضوء .. وقالت ان الضوء هو نفسه الليزر وما في فرق بينهم ..
بعد كم جلسة قلت لها اب اسوي ليزر .. ما ابي الضوء .. قالت إذا حولتي ليزر بنرفع عليك السعر بناء على الأسعار الجديدة .. وانت عشانك زبونة ما رفعناه عليك .. وحلفت لي انه نفس التأثير ...

سويت عندها تخيلوا 8 جلسات للمنطقة .. ومااا في اي استجابة ولا اي تغير في جحم الشعر وطوله ولونه .. والمدة بين الجلسات بالكاااد يطول .. لان التأثير ضعييييف جدا جدا
ونفس الشي للوجه والابط .. بحدود 5 جلسات بدون تأثير .. ثم تركتها لبنان الطبي .. بس بنان ما عندهم خدمة ذاتية..

بعدها دريت عن مركز مساعد الزلال (الخدمة الذاتية للمطقة الحساسة) فتركتها ورحت لهم ..
قابلت الدكتورة وقلت لها اني مسوية من أول ضوء للمنطقة واستغرربت جدا وقالت مستحيييييييل هذي المنطقة ما ينفع لها الضوء أبداً .. الضوء للشعر الوبري فقط ..
سويت عندهم جلستين .. فرررررررررررررررررررررق شاااااسع .. الشعر أخف .. المدة في الظهور أطول ..
السعر عندهم 500 ريال للجلسة مع التروش .. عدد الطلقات 350 طلقة !! والرتوش 150 طلقة !! بعد 5 جلسات يخصم 20% من السعر الأصلي ..


ضيّعت فلوسي وجهدي ووقتي مع غفران حسبي الله عليها .. استغلالية جدا ومااااادية .. حتى يوم حملت وقلت لها اني حامل .. قالت ما في مشكلة تعالي سوي .. ما له تأثير ع الجنين ولا شي وووو ..
وفي الزلال .. ممنوع منعا باتا الليزر مع الحمل ..

..

هذي تجربتي مع هذي الدكتورة ..
حبيت انبهكم واحذركم .. ما ودي أحد يطيح في اللي طحت فيه ..

والسلام عليكم