حبيبتي لو إختصرتي كان أحسن

عالعموم

جزاك الله كل خير على التنبيه

ياليتني مثلك صارخت عليهم واخذت منهم 10000سعودي اخذوها من حسابي طبعاً ماسمعت نصيحة زوجي لما قال لي لا تشترين . وانا متهوره ( اقول العرض زين ) خاصه لأني احب السياحه والسفر . لو ماسافرت يمكن اطق بمكاني وماكملت معهم العرض والحين انا في السعوديه كيف اخذ حقي منهم انا اتصلت فيهم قالو لنا بكره من الساعه 10 صباحاً حتى الثانيه بعد الظهر . مع العلم اني وقت ماكنا بدبي سألت عنهم في في الدائرة الإقتصاديه اتصلت عليهم وردت علي الموظفه وقالت ان نظامهم قانوني ومافيه اي كلام وقالت لي انتبهي لبنود العقد اللي بينك وبينهم وقلت عليها شكاوي قالت مايظهر لي وهي من 2005 موجوده طبعاً انا وقتها اتصلت على اهلي بالسعوديه قلت لهم شوفو الشركه المتوسطيه للأستثمارات السياحيه هل نصب او حقيقه انا للي خلاني اشك فيهم لما كنت عندهم قالو لنا ان الوليد بن طلال مشترك فيها انا هنا انصدمت شوي مدري انشل تفكيري يمكن لأني اعرف ان الوليد بن طلال مايدخل مشروع إلا وهو عارف انه صيحيح وقال لنا ان شركة الطيار مشتركه في الأنترفال ناشيونال عشان كذا تأجر الناس من عندها . مشكلتنا وقتها مامعنا تليفون لما رجعنا الفندق اتصل زوجي من الفندق على ولد عمته ذا يشتغل مع الوليد بن طلال وهو مدير المكتب الخاص حقه وساله قال اول مره اسمع عن الشركه ذي انترفال انترناشيونال ولا اشتركنا في المتوسطيه . انا هنا مصدومه من الخبر بس لساتني مبسوطه من العروض وحده مصقوعه على راسها مرتين وهي ماهي حاسه
المهم أحنا بس دفعنا معهم بس المقدمه اللي هي 10000 والباقي كان يجون ياخذونا من الفندق للمكتب عشان نكمل باقي الدفع . انا هنا قلت لزوجي إذا جا الشخص اللي هو اكرم بياخذنا للمكتب ماراح اروح معه طبعاً تحججت انه مامعنا فلوس طبعا قال اثبتي جبت له الصرافه حقتي اللي مافيها شي طلع الأخ ماخذ الأرقام الأربع الأخيره من صرافتي اللي فيها المبلغ عشان اول ماحط الصرافه يسحب المبلغ على طول قالي وين الصرافه اللي اخر ارقامها كيت وكيت وكيت طبعاً انا قلت له ذي حقت زوجي وانا قال جيبيها قلت له اسفه ما اخذ شي من دون اذن زوجي وزوجي نايم بالغرفه وحنا كنا بإلاستقبال تحت قال انتظركم العصر قلت لا ماراح نجي الحساب مايغطي المبلغ المطلوب . طبعاً لقيته كاتب ورقه انه مامعنا المبلغ في حسابنا ويوم الأحد نكمل باقي المبلغ وقال لي وقعي عن زوجك انا وقعت وقلت له وانت كمان وقع وهو وقع وهو متردد وقلت لموضف الريسبشن بالفندق صورها وصورها وقلت له حط رقم تليفونك وحط رقم تليفونه وهو متردد ولما جا يروح قال لو حابه اشق الورقه هذي راح اشقها هنا عرفت انه خاف اني اسوي له شي وقال الورقه ذي لا تخافي راح نشقها إذا جيتونا وقلت له إن شاء الله انتظرنا يوم الأحد .

المهم قال الحين وش راح اقدر اسوي صراحه 10000 قويه شوي احس اني لو رايحه ومبهذلتهم كان احسن بس شكلي بشتكي عليهم .

عاد زوجي كان بيروح السفاره عشان يشتكيهم بس لما عرفنا انها قانونيه قال كيف بيكون معي الحق هي قالنونيه يعني نصب قانوني عينك عينك . بش شكلنا بنفضحهم في الجرايد .

بصراحه نفسي نجمع لنا كم توقيع عشان نرفعها لحكومة دبي تاخذ بحقنا منهم . لأن حرام فيه ناس كثيره من السعوديه مشتركه طلبت رقم مشترك واحد ورفض يعطينا قال ايش قال هذي الأرقام امانه عندي . وأنا ما اقدر اعطيك ولارقم أذا حابه رقم طيار سعودي بعطيك اياه قلت له انا بختار من الملفات هذي واخذ اي رقم سعودي او اماراتي او عماني اهم شي خليجي قال لنا اسفين ما نقدر نعطيكي هنا قعدت انا واياهم يمكن ساعه الين اتصلو على شخص بسرعه ما ادري هو نفس الرقم اللي موجود او رقم ثاني وكلمه قدامنا وذاك المشترك معهم اسمه عبدالله وقال لهم انتظر منكم ترسلون لنا الأوراق انا ما ادري كيف هم ضبطوا المقلب بس استوينا مقصه على قوله اهل الأمارات . يارب تاخذ بحقنا منهم .

نفس الشي سار لي انا وزوجي بس رحتا بنشوف نهاية الكذب وكنت معصبه منهم
وفعلا كلاهم يلحس العقل وقالو لازم تحضرو العرض قلنا مرتبطين مانقدر وفعلا ماحضرنا وحشرهم زوجي عند هديتهم يقولهم وينها قالو لازم تحضرو العرض بس قلنا لهم لا مانبي وخرجنا
نصابين اللي قاهرني كل اللي يجونهم سعوديين انتبهو يابنات من أي عرض كذا وكمان تملك شقق فدبي كذب فكذب انتبهوووو

ويمكرون ويمكر الله والله خير الماكرين