تحذير من ملاهي شهد بعرعر الي عندها اطفال تدخل

السلام عليكم ورحمة الله وبركاته يابنات والله اني رحت للملاهي هالمره وتوبه اني ادخلها هذي ملاهي نسائيه ومسكره بمدينة عرعر بالمنطقه الشماليه وانا كنت زياره عند اهلي وقلت نطلع لها انا وخواتي ومنها امشي عيالي ويلعبون وينبسطون الله لايعيدها هالطلعه اولا اهمال وقلة ادب من العاملات والزوار تسيب واضح وغلاء بالاسعار بشكل غبي المهم صار لي موقف اليوم ماانساه طول حياتي تخيلو ا وحده من العاملات وهي للاسف سعوديه فتحت الملاهي النطاطه الي يقفزون فيها الاطفال مادري اكيد الاغلب يعرفها فتحتها وقالت العبوا المهم شوي الا جاني ولدي يبكي واذنه حمراء وهو عمره سبع سنوات واول شي سويته قالت وش السبب بكى واحرق قلبي وقلت خليني اسال العامله احسن ماسال ولدي تعرفون الاطفال ماينصدقون بكل شي مع العلم ان ولدي مايكذب المهم رحت وبكل ادب وسلمت وقلت ولدي جاني يبكي ممكن اعرف من ضربه وش السبب ونطت وحده واسمها بدريه بكل وقاحه وقالت انا وولدك قليل ادب تخيلو وش يكون شعوركم والله يابنات ولدي حيوي ومؤدب مو مدح بس بشهادة كل الي حولي وقلت ماسمح لك تقولين قليل ادب انتي تسبيني والله حتى اعتذار ماعتذرت وتقول احنا محنا خدم نلاحق عيالكم قلت طيب على اي اساس توقفون على لعبة اطفال لازم يكون عندكم طولة بال عليهم قلت ليش تضربين انا امه ماضربته تجين تضربين وبدون سبب قالت هو قليل ادب ربو عيالكم وتعالو والله اني مسكت ولدي قلت انت غلطت عليها وحلف انه ماتكلم ولا كلمه لانه الحقيره شككتني بولدي ومن القهر والضيم رحت للاداره وقالت المديره مسافره وانا بدالها وهي عامله سودانيه بس مره طيبه المهم قلت لها بشتكي على عامله حقت الملاهي هذيك واشرت على اللعبه وقلت ضربت ولدي وتقول قليل ادب قالت اه هي بدريه مافيه غيرها تخيلوا عرفتها شكلها سوابق بطولة اليد الحقيره المهم قالت نروح لها ونسالها وش السبب ويوم وصلنا نطت علينا وتقول نعم وش صار قلت انتي قلتي قليل ادب قالت ايه وسالتها تلفظ عليك قال كلام وسخ او شي قالت لا بس مايسمع الكلام اقوله يطلع وهو مايطيعني قلت ماينطبق عليه هالكلمه انتي سبيتيني وقالت لا ماسبيتك وانا ماضربته قالت الا شوفي اذنه حمراء قالت لا انا شديت اذنه بس وقلت لها انتي طلعتي قاموس جديد مايسمع الكلام يعني قليل ادب وشد الاذن مو ضرب وراحت تركتني بدون ماتعتذر مني قهرتني الحيوانه وقلت مدي يدك والله لااكسره لك وراحت ومشت لاعبرت احد ولا همها احد الوسخه وانا والله ماقاهرني الا اني جيتها بكل احترام وادب بنات قولو لي اذا انا تصرفت غلط او صح او وش رايكم باسلوبها والله المديره حقتهم حبوبه وتاخذ حقي بس كانت مسافره قهر انا ماني قادره انام من القهر ولدي مره طيب وخجول انا ماضربه وهي قطعت اذنه حسبي الله عليها ونعم الوكيل وهذا غير الرقص وقلة الحياء من العاملات بعد الساعه 11 بالليل وحتى شغالتي انهبلت من البنات بالحمامات شذوذ واضح المفروض يحطون مراقبات على الحمامات ويكونن مراقبات صح مو نفس الشله الفاشله والله خفت على بنتي تشوف هالمناظر المقززه حسبي الله ونعم الوكيل :icon33: توبه ان دخلتها توبه