تحذير من منظمة الغذاء (في العالم) يخص الدجاج

السلام عليكم ورحمة الله وبركاته

بعد ما قرأت موضوع الاخت هنا
ايش قالي مسؤال بنده الله لايوفقه

كنت حرد في موضوعها
بعد ماشفت شكوى الاغلبيه من انواع الدجاج وردائته
كنت حرد بمعلومة قرأتها ممكن سمعتو عنها قبل او لا وخفت ماتوصل المعلومة للجميع
فحبيت افصلها بموضوع مستقل

والموضوع بخصوص دراسة حديثة مفادها ..
تحذير حكومي وطبي و من منظمة الغذاء في كل العالم >>>عدا العربي وحزنت اني شفت الحملات التوعوية وصلت للهند وبنجلاديش بلغتهم في الاخبار واليوتيوب
يمكن تكلمو عنه ماظلمهم لاني بعيده عن الاخبار العربية
ماعلينا المهم جانا العلم

التحذير يخص بعدم غسل و شطف الدجاج المبرد او المجمد او الطازج في الحوض مباشرة ونقلها على سطح ثاني وهي تنقط موية
وتلاقو المقاطع والاخبار اذا بحثتو تحت هذا العنوان

don't wash chicken


السبب - انهم اكتشفو بان البكتيريا اللي اسمها
Campylobacter

وتكون غالبا في الحيوانات وبالاخص الدجاج وهي اشهر وحدة عرفتهم بنوع وسبب التسمم الغذائي
وتنتقل منها للانسان بعد ملامسته لاي سطح او ملابس او جلد تعرض لها بدون ما يتغسل ويتعقم
يعني نقطه موية كفيلة انها تحتوي على مئات من هذه البكتيريا اللي قد تصيب او تعدي
وتسبب معظم انواع التسمم الغذائي بنسبة ماتقل عن ٩٠٪
وتتراوح من حالة بسيطه الى حالة حرجة تحتاج مستشفى
وتطور الحالة من بعد يومين لخمس ايام
واعراضها اسهال وقيء والام البطن مع ارتفاع الحرارة

والبكتيريا هذه وان وجدت في لحمة الدجاجة ماراح تموت كليا الا بحرارة الطبخ العالية يعني لو تغسليها لبكرة ماراح توصل درجة التعقيم اللي تضمن ١٠٠٪
فمن ضمن التحذيرات انك تطبخيها مزبوط
وماتاكلوها وفيها شوية دم وهذه الحالة غالبا تصير وقت الشوي
فانتبهو على صحة عيالكم وانفسكم وكل احبابكم

هنا معلومات عن البكتيريا للافادة
Campylobacter
http://m.betterhealth.vic.gov.au/bhcv2/bhcarticles.nsf/mskpages/Gastroenteritis_campylobacteriosis?open


وهنا التحذيرات من مقالات صحف او يوتيوب

http://www.food.gov.uk/news-updates/news/2014/jun/fsw#.U6tZYIkazCQ

http://www.ngrguardiannews.com/features/science/166700-washing-raw-chicken-spreads-bacteria

http://mobile.news.com.au/lifestyle/food/health-experts-warn-not-to-wash-raw-chicken-before-you-cook-it/story-fneuz8zj-1226956716511





وقرأت عن انسب طريقة لغسل الدجاج باختصرها بلغتي العامية
اول شي انزعي كل الريش او الزغب ولا تجزعو منه هو يعتبر شيء طبيعي مايدل على رداءة نوعية الدجاج
لانه تنظيف الدجاج في المصانع ماهو يدوي اكيد فمروره عبر الالات مانضمن انها نزعت كل شيء ١٠٠٪ فلا تقلقو اذا شفتو ريش انزعيه عادي

بعد ما تنظفي الدجاج من ريش او تنزعي جلده وتقطعيها اوصال او تخليها كاملة
حطيها في زبديه ونقعيها في عصير ليمون وملح
جيبي ليمونة كبيرة اقسميها نصفين
الدجاج يكون مغمور بموية مع رشة ملح اعصري نص ليمون ودلكي دلكي لحد ما تبيض الموية تماما وكبيها بحذر في فتحة الحوض واحرصي ما تتطاير قطرات هنا ولا هناك
ارجعي صبي عليها موية حتلاقي لونها لسه ابيض
صفيها من الموية وعيدي الحركة موية وملح ونص ليمونة
وافركي وافركي ودلكي >>> على قول السيدة اللي في اليوتيوب
مساج مساج مساج يعني دلعي دجاجتك يومها

وبعد ما تبيض مويتها وتصفيها حطي عليها موية جديدة بدون ملح وليمون وشوفي لونها اذا صارت شبه شفافة او غالبا نظيفة
صفي دجاجاتك على مهل وجيبي زبدية ثانية نظيفة
انقلي فيها القطع واشتغلي بسم الله
تتبيل او سلق او كبس او اللي تحبيه

وان شاءالله تسلمي من اي نوع تسمم غذائي حتى لو الدجاجة فيها شوية مواد حافظة بتختفي

هنا يوتيوب يوضح غسلها
ترددت في اضافته يمكن يكون ممنوع
فاذا ممنوع ياليت المشرفات يحذفوه
لاني تقريبا وضحت الطريقة حسب ماشفتها







وكل عام وانتم بخير