نصيحة لكم من أعماق قلبي ..
تعرفون ان في الفتره هذه انتشرت اللابتوبات اللي فيها كاميرا
واي واحد شاري هالابتوب مبسوط فيه وراج راسنا بكاميرته
وماشي عند الناس فشخره لابتوبي فيه كاميرا
لكن اللي اغلبكم ما يعرفه انه انتشر برضو برنامج
يشغل الكاميرا بالمسنجر او السكايبي وانت ما تدري
يعني راعي البرنامج يدخل عليك ويشوفك وانت تحسب كاميرتك طافيه
والادهي والامر انه حتى الشخص اللي انت ما سويت له قبول يقدر يشغل كاميرتك عن
طريق الرسالة الفورية <<< هذه ميزة بمسنجر بلس
واللي خلاني اكتب الموضوع هالسالفة :
يقول شاب كنت رايح لواحد من اخوياي
وهالولد انا افهم وش فيه من تعابير وجهة
وشفته مبين عليه الهم والغم والدنيا مو شايلته
سالته وش فيك ؟
وقالي سمعت عن البرنامج اللي يشغل كاميرا النت
قلت له ايييييه وش بلاه
قال انا يوم السبت تارك ماسنجري مفتوح واللابتوب مشغل
ورحت اتروش ورجعت ابدل بغرفتي <<< يعني كان عريان <<
يقول شويه واسمع صوت المسن اللي يطلع لو احد كتب لك كلام
ولما دخلت الا واحد يقولي شخبارك ومن هالكلام
وما امداه اخذ دقيقتين الا يقولي بوريك شيء .. مقطع فيديو
خويي تحمس وجا يبي يطالع الا المسكين شاف نفسه وهو يبدل
يقول خويي الحمد لله ما اغمي علي ولما اخذ وعطى
الولد قاله اذا ما تبي المقطع ينتشر ادفع لي 1000 ريال شحن سوا ترسلها لي
طبعن خويي ما وافق لانه عارف ان الولد بيرجع له مرة وثنتين و3
الولد للاسف عمره 21 وعاطل ومو هامه احد
حتى لما خويي قاله اتق الله فيني قاله مو شغلي ولا تفتحلي مواضيع دين
المهم ان الولد مهدد انه ينتشر المقطع
وخويي لما امس وهو مصدوم وحالته حاله وخايف
والسبب كله كاميرا اللابتوت اللي حنا فرحانين فيها
عشان كذا نصيحة مني لكم شوفو لها حل
غطوها بورقه او كسروها وجيبو وحده خارجية
او حطو عليها علك <<< الاخيرة فكرة هنود ما تلاحظون
حبيت أنبهكم وبس والباقي عليكم
الله يستر على خويي يارب
الله يعدم جهاز الولد راعي البرنامج
والله يهديه ..............
قولو امين.
سنفورة # @snfor_13
عضوة جديدة
يلزم عليك تسجيل الدخول أولًا لكتابة تعليق.
الله المستعااااااااااااان
الله يكفينا شر هالنفوس اللي ما تخاف الله
معاناة .. حلوة لزقة الجروح مير مهيب شيييينة
الله يكفينا شر هالنفوس اللي ما تخاف الله
معاناة .. حلوة لزقة الجروح مير مهيب شيييينة
وأنا بعد من يوم اشتريت اللاب توب حطيت عليها من طوابع أختي الصغيره <<مسكينه
ولا بعد خاااايفه وأحيانا أوسوس يمكن أحد يشوفني <<والله يمكن مع التطور يقدرون
الله لايوفقهم ويكفينا شر كل ذي شر
ولا بعد خاااايفه وأحيانا أوسوس يمكن أحد يشوفني <<والله يمكن مع التطور يقدرون
الله لايوفقهم ويكفينا شر كل ذي شر
الصفحة الأخيرة
حطيت لزقة جروح علشان فيها مثل الشاش ابي اقوي صديقتي تتريق علي قالت ماتبين تحطين عليها
مطهر هههههههههه قلت والله ودي بشي قوي يغطيها الله يستر علينا فوق الارض وتحت الارض ويوم الارض وجزاك الله خير ع التنبيه