السلام عليكم ورحمة الله وبركاته
كيف حالكم يا بنات الغربة ... ؟؟ ان شالله كلكم بخير وصحة وسلامة .. ربي يحفظكم وين ما كنتم في أرضه الواسعة ..
وبعد،،،، ..
للأمانة وبعد تجربة شخصية مررنا فيها .... فتحت هذا الموضوع عشان احذر تحذيييييييير خطير لكــــــــــــــــــــل المغتربات وكل السائحات في هذه الدول :
امريكا ، بريطانيا، استراليا، كندا ، افريقيا الجنوبية ، هونغ كونغ – سنغافورة، نيوزلندا ، دول اوربا فرنسا والمانيا واليونان وايطاليا وتركيا واسبانيا وروسيا وغيرهم ، البرازيل ، الصين ، اليابان ، الهند ، تايوان
التحذير من موقع Gumtree ..
واللي ما تعرفه ، هو موقع شاااامل لمن يبحث عن السكن ، العمل ، السيارات ، الاثاث ، اشياء مستخدمة الخ الخ .. سواء للبيع او التأجير او الشراء.
وصلة الموقع من هنـــــــــا
وميزته انه يشمل اغلب دول العالم، وكمان يشمل اغلب القطاعات الضرورية اللي يحتاجها المغترب.
الموقع هذا فيه الزين وفيه الشين ... وشينه اكثر من زينه ..
وبعد تجربة شخصية مني انا وزوجي، كنا نبحث عن سكن للتأجير في لندن .. وبعد ما لفّينا اغلب مواقع مكاتب التأجير دخلنا هالموقع ولقينا فيه كم شقة حلللوة وتطابق اللي نبحث عنه.
راسلنا عدد من اللي عجبتنا شققهم ، ووحدة منهم بقول لكم قصتها...
السيدة قالت انها تشتغل في دبي وماتقدر تخلي عملها الا من تتأكد ان احنا صادقين وعندنا المبلغ لتأجير شقتها .. وقالت عشان تتأكد لازم نرسل المبلغ اللي طلبته من اسم زوجي الى اسمي مثلاً عن طريق الوسترن يونيون. ونرسل لها الايصال عشان تشوفه..
بس احنا شنو سوينا ..
1- ارسلنا لها صورة من تصوير الشاشة print screen لحسابنا في البنك نراويها ان عندنا المبلغ الفلاني ..
2- وارسلنا لها فاتورة تحويل راتبنا من البنك في بلدنا الى حسابنا في البنك في بريطانيا.
3- وارسلنا لها شهادة مصدقة من البنك ان والله عندنا المبلغ كذا كذا في الشهر الفلاني ..
ما عجبها شي من هذا .. !! وكنا رايحين وسترن يونيون بس ما خلونا نرسل من والى نفس المكتب! قلنا لها هالكلام .. وطلبنا رقم تلفونها عشان تكلم الموظف او تكلمنا، عطتنا رقم ما يشتغل وبررت ان الشبكة تعبانة في دبي!! > اساساً الرقم كان بريطاني. وانها ما تبي تكلم الموظف !!ولا تبي تتعامل بالبنك لانها تبي تتأكد اونلاين من الوسترن ان عندنا المبلغ !!!
بعدها كلمت صديقتي البريطانية "مسلمة" عن هالسالفة، وارسلت لي الله يعطيها ألف عافية مصادر مهمة جداً لازم تتطلعون عليها ..
هذا موضوع من المنتدى التابع للموقع نفسه gumtree..
http://forums.gumtree.com/topic230396.html
وهذا اخبار بي بي سي :
http://news.bbc.co.uk/2/hi/uk_news/england/london/7648092.stm
بعد ما قريت الموضوع والاخبار وشفت الفيديو الملحق مع الخبر في موقع بي بي سي .. عرفنا الحقيـــــــــــقة واللي نحمد الله ان ما طحنا في مصيدة الكذابة او الكذاب ما ندري شنو اصله فصله !!!
وبحثت عن اصل الشقة اللي الكذابة عارضتها ولقيتها موجودة في موقع مكتب تأجير والشقة سعرها خياااااالي نااار !!! فأرسلت لها رابط الاخبار مع رابط الشقة الحقيقية وعطيتها بالكلام الحار شوي .. عشان تحترق غيظ عدل يعلها تحترق بنار جهنم.
السالفة ومافيها اختصاراً للي كتبوه في موقع اخبار بي بي سي :
ان موقع gumtree فيه نصابين غشاشين وهاكرز كثير .. ياخذون صور شقق من مواقع مكاتب التأجير ويحطونها في هالموقع بسعر رخيص يجذبون فيها الناس.. ويطلبون منهم صورة الفاتورة من الوسترن يونيون بعدما يرسلون المبلغ لشخص يعرفونه ...
النصابين يطبعون ورقة الفاتورة ويروحون الوسترن يونيون على ان المبلغ لهم و ... هووووب راحت مبالغ الضحية الى الابد !!
تابعوا فيديو قصة الضحية البنت في موقع اخبار بي بي سي .. مسكينة كسرت خاطري.
والله ألف الحمدلله والشكر ان عرفنا الحقيقة قبل لا يصير شي، المال الحلال ما يضيع.
فياااااااااا بنـــــــــات .. الحذر الحذر .. بلغوا كل اللي تعرفونه عن هالموقع .. عشان لا يسرقونهم مثل ما انسرقوا الكثيييريين من الضحايا .. ولازم تتأكدون من اللي تتعاملون معاه اول شي وطلبوا منهم الاثباتات ورقم التلفون.
اللهم بلغت اللهم فاشهد.
والسلام ختام. :26:
SilenT EmotioN @silent_emotion
عضوة نشيطة
يلزم عليك تسجيل الدخول أولًا لكتابة تعليق.
انا زوجي كان يبي يطيح فيهم شله حراميه يقولون عايشين برى ونبي مستاجر
او يقواون احنا اضطرينا نترك البلد عشان جانا شغل برى وعندنا عقد فتعال انت وساعدنا بنص السعر
تخيلي وهم شله نصابين
بس ربك ستر
لا والمصيبه شقق حلوه باسعار رخيصه استغرب في البدايه
واغلبهم يكونون بدون رقم
وبس ايميل
ويقول لك انا في مدينه ثانيه حول لي من حساب صديقك لحسابك وهم ياخذون المعلومات ويسرقونها
الحمدلله ان الله سلمكم
ومشكوره
او يقواون احنا اضطرينا نترك البلد عشان جانا شغل برى وعندنا عقد فتعال انت وساعدنا بنص السعر
تخيلي وهم شله نصابين
بس ربك ستر
لا والمصيبه شقق حلوه باسعار رخيصه استغرب في البدايه
واغلبهم يكونون بدون رقم
وبس ايميل
ويقول لك انا في مدينه ثانيه حول لي من حساب صديقك لحسابك وهم ياخذون المعلومات ويسرقونها
الحمدلله ان الله سلمكم
ومشكوره
اي وذكرت زوجي من بعدها بس يرسل لهم ايميلاتهم ويسب فيهم ومايردون عليها
انتبهوا منهم ونصيحه مني لاتستاجرون الا وشايفين الشقه قبل ومتاكدين من صاحب البيت او يكون مكتب نظامي
الله يسهلكم
انتبهوا منهم ونصيحه مني لاتستاجرون الا وشايفين الشقه قبل ومتاكدين من صاحب البيت او يكون مكتب نظامي
الله يسهلكم
om mena
•
سبحان الله اخنا بنشوف سكن وكنت بفكر اشوف في الموقع بس زوجي قالي الافضل الشركات بس انا اشتريت اشياء كثيره منه واستلمها وادفع كاش بتكون صدق بس الشقق تخوف صح لان المبالع المدفوعه كبيره مشكوره اختي
الصفحة الأخيرة
مشكوووووووره عالتنبيه
يعطيك العافيه