تحذير هااااااااااام يابنات الشرقيه((لازم تدخلون))

مساء الخير حبيباتي......
انا والله ماكتبت الموضوع الا للفايده وماابي احد ينضر مثل ماانضريت...:22:
السالفه ومافيها اني سويت عمليه شفط دهون برغم كل تحذيرات اللي حولي وكلهم كانو معارضين بس
انا بعنادي اصريت وياليت . . . .
المهم العمليه سويتها في مستشفى المانع بالخبر عند الدكتور محمد حجازي(ماباقول الا الله يسامحه) سويتها فبطني وظهري وطبعا اول مارحت له العياده وطلبت اسوي العمليه كأنه ماصدق وعلطول سواها اليوم الثاني وكانت الاخلاق قمه.......؟؟؟
وبعد ماطلعت يابنات من العمليه جلست وربي يومين وانا مادري عن الدنيا من كثر المهدئات وربي من الالم وكان رابط عليه شاش وبلاستر بكل ماعطاه ربي من قوه....؟؟
وكل هذا تحملته واحتسب ويوم جا ينزع البلاستر والله ان كأنه يشيله من جدر ويشيل جلدي معه وابكي ويقول (معلييييش)
وطلعت بعد ثلاثه ايام وهو قالي ورب الكعبه ممكن تطلعي فنفس اليوم...
وبعد ماطلعت سارت بلاوي؟؟؟؟؟ فاليوم الثاني طلعت لي فقاعات في بطني وظهري مثل الحروق منفخه وتنزل مويه وارتفعت حرارتي واكلم المستشفى ولا يعطوني واقعد الحق وراه لحد مالقيته تدرون كيف؟؟ رحت المستشفى وجلست استنى عند غرفه العمليات لحد ماطلع..::: والمصيبه لما شافها ولا اهتم وقال انتي عندك حساسيه من البلاستر اللي استخدمناه "بكل بساطه ولا سوى ولا شي" واطلبه رقم تليفونه للحالات الطارئه وكأني مسويه جريمه ورفض يعطيني...وكل هذا وصابره اقول اهم شي النتيجه مع ان جسمي كله محرق..
وبعدها سافرت ومع الايام شفت النتيجه العجيبه ؟؟؟ والله يابنات ان جسمي سار كله كتل كانه تضاريس اشياء طالعه واشياء نازله والجهه اليمين طلعت امتن من اليسار شي مزري والحروق سوت حفر مجروحه في جلدي وربي ما التأمت الا بعد شهر وكان فيه جزء من بطني مخيط والله لا يوريكم الخياطه وربي مكرمشه ولا كأنه قد خيط
المهم طولت عليكم بس الحمد لله رحت لدكتور ثاني وفك لي الخياطه وخيطها من جديد واعطاني مراهم لاثار الحروق ولزقات سليكون للجروح ومااقول الا الله يجزاه الف خير
والله يكفاكم الشر حبيباتي