تحـــــذير & وصـــايا

الســــــــــــلام عليكم ورحمة الله وبركاته


كيف الحال حبايبي بنات حواء


ماشاء الله اشوف العالم شغاله في الاسهم صح الله يبارك لكم حبايبي


لا تخافون السوق السعودي بخير طالما مافيه حروووب غير كذا الاستثمار ناجح باذن الله تعالى

انا حابه احذر خواتي واشوف الغالبيه هنا مبتدء في تداول الاسهم


احذروو من اللي يجي قولكم هذا السهم دخول وهذا السهم هدفه كذا

وفي النهايه اشوفكم فاتحين مواضيع نبي نعدل السهم وش اسوي محفظتي خسرانه السهم كل ماله يدحدر

واللي موصيكم تلاقيهم طالعين من السهم وشبعانين ربح وانتي اجلسي الطمي ونوحي


ابد ما ينفع هالكلام



العضوه اللي تبي تقولكم وصيتي السهم الفلاني


قبل لا تدخلين

اسئلي

هل السهم حلال

كم سعر الدخول

وهل ممكن يكون فيه تذبذب للسهم يعني ادخل بشكل كامل او ادخل على دفعات
او ضحها اكثر يعني لما اجي اقول السهم هدفه 48 ريال والسعر الان مثلا 39 ريال اجي ادخل بالمبلغ اللي انا مخصصته للسهم بشكل كامل بسعر 39 واشوفه يرتفع الى الهدف او ممكن اجزء المبلغ لثلاث اقسام ادخل اليوم بسعر 39 وبعد بكره ممكن ينزل 38 او ممكن ينزل 37 واشتري المجموعه الثانيه وبعدين يبدء يرتفع الين يحقق الهدف اللي هو 48


مدة المضاربه لحظيه او اسبوعيه

يعني انا راح اجلس بالسهم يوم يومين او اسبوع اسبوعين عشان يحقق الهدف او ممكن يجلس شهر يحقق الهدف

يمكن اكون من النوع اللي ابي استثمار اسبوعي وعيني على سهم ممكن يرتفع هاليومين لاني متابعه له واجي احجز سيولتي في سهم راح يجلس شهرين عبال ما يعطيني الهدف وانا ماني عارفه مو صحيح


دعم ومقاومة السهم


لكل سهم لا يقل عن 3 دعوم لحظيه و 3 مقاومات لحظيه بالاضافه الا مقامه شديده ممكن انه يخترقها وبكذا انتي ترفعي معدلات اهدافك بالسهم لو كنتي حابه السهم ومرتاحه معااه او ممكن تشوفي اذا ما قدر يخترق هالنقطه انتي هنا تطلعين وتراقبي اختراق السهم وتكوني قد جنيتي ربحك

الدعم هناك فيه شي اسمه نقطة الارتكاز في الدعم هذي النقطه هي اللي مهما نزل سهمك وصار لونه احمر في محفظتك انتي ما راح تفكرين ابد تبيعي بخساره لانه كذا كذا راح يرجع يرتفع طالما هو ما وصل لنقطة الارتكاز مجرد انه يكسر نقطة الارتكاز انتي هنا تنتظرين فتره يا تعدلين بسيوله اضافيه او تعدلين من خلال بيع جزء من الاسهم وتنتظرين لاخر دعم ممكن يوصله وتعدلين من خلاله


لقيتي كل هالعوامل موجوده في التوصيه توكلي على الله لانك عارفه هل هي مضاربه يوميه او اسبوعيه

واذا بتنامين وتصحين بعد الظهر وتقولين تعلقت مهو ذنب اللي وصى لانه ممكن يجني ربحه في او دقيقه تداول بعدين ينزل السهم وانتي تصحين وتقولين لسى ما وصل واحيانا يوصل للهدف من غير حتى ما يبان على المؤشر نهااائي حتلاقي نفسك حطيتي العرض وفجاه تلاقي عرضك انباع وهو حتى مابين في المؤشر لانه هنا بتكون عمليه شراء من محفظه استثماريه تبي تخزنها عندها سنه سنتين فما يفرق معاها انتي باي سعر حاطه


الشي اللي لازم تعرفونه


مافيه اسهم ما حيجيلها الدور وترتفع لان المحافظ الكبيره المضاربيه تتنقل من سهم لسهم ومن قطاع لقطاع


يعني الاسبوع هذا قطاع البتروكيميكل
الاسبوع الماضي كان الاستثمار الصناعي
قبله كان الزراعي
قبله كان التامينات


وهكذا انتي لازم تعرفي السيوله متجه لاي قطاع وبعدها حددي السيوله متوجهه لاي اسهم في القطاع وهنا انتي اللي تحددي ربحك وخسارتك بعيد عن توصيات ممكن تكون تصريف عليك وقتها :06:



اهم شي الصبر في الاسهم والابتعاد عن المضاربه السريعه لانها خساره وما راح تعرفين لذة الربح ابد صدقوني لانكم منتم محافظ تتكلم بالملاين

يعني محفظه فيها لا يقل عن 4 مليون ريال جاتك توصيه انه راح يدخل بسهم زين مثلا وان سعر السهم 10.25 وهدفه راح يكون 10.50 هو بيدخل في جلسه وحده يطلع وينزل بين هالسعرين ويمكن ينزل اكثر ويرجع لل اقل من الهدف

هو عنده 4 مليون يعني ربحه في الصفقه الوحده مليون ريال لكن انتي اللي حسابك مافيه الا 50 الف او اقل والبعض 5 الاف والبعض الفين كم بيكون ربحك بتقولين ولا تعب الجلسله وشدة الاعصاب




فيه ناس بتقولك اعمار والكهرب وغيره طيب هذي مستثمرهااا جالس له سنين مهو سنه او سنتين سنيييييين مبلط فيها وعنده استثمارات ثانيه بتدخل عليه ارباح يعني مهو سائل فيه هالاسهم الاستثماريه والثقيله وفي الغالب بيكون عنده محفظتين محفظه اسهمها استثماريه لخمس سنوات او اكثر والبعض مخطط لعشرين سنه قدام ومحفظه مضاربيه بيشتغل فيها بشكل لحظي او اسبوعي او شهري


هذي اشياء لازم تعرفوهاا مو كل من قال سوق الاسهم وندخل نضارب بيكون ربحان فيه ناس بس حابه انها تحسس اللي حوليها اني فاهمه ويمكن بتردد لكم عبارات من منتديات ثانيه لخبراء بيتابعو التوصيه بشكل لحظي وبشاراتات واضحه لكن انتم بالله بالله من بيتابع معاكم بشكل لحظي خصوصا انه مافيه اي وضوح في التوصيه ولا فيه النقاط الاساسيه اللي المفروض تكون التوصيه عليها



هذي مجرد نصائح لجيمع الاخوات حطي في بالك شي واحد بس ان قرارات البيع والشراء هذي مسؤليتك واي احد وصالك شي بيقولك قرارك انتي اللي شريتي كان تابعتي سهمك تبيني بعد احط لك الاوامر عنك ما ينفع هالكلام


قرارك انتي تتحملين نتايجه لوحدك اللي موصيلك ابد ماراح يعوضك الخساره اللي خسرتيهااا


حابه تدخلين في الاسهم وتتعلمين لا تدخلين الا في مبلغ بسيط جدا جدا جدا بس افهمي اللعبه صح وتفهمي على اي اساس العالم بتوصي ومين الصادق ومين الكذاب مين اللي فعلا توصيته في محلها او لا


هل انا يناسبني المضاربه اللحظيه او المضاربه الاسبوعيه يعني حطي في بالك انك هالمبلغ اللي دخلتيه في الاسهم ماراح يرجع ولا ريال منه لانك مبتده ولازم تتعلمين كل صغيره وكبيره وتسالين المختصين وغيرها

عدت ثلاث شهور او 6 شهور وحسيتي نفسك اوكي ادخلي وقسمي سيولتك واتركي جزء دائما كسيوله خارجيه وصدقيني راح تدعين لي لانه وقتها قلبك حيكون جامد ونظرتك حتكون اقوى ولا راح تركضين ورا احد وتقولين هات توصيه او حتى تسالي عن سهمك لان معلومات سهمك كلها موجوده قدامك من خلال موقع تداول حتلاقين مسار السهم حتلاقين كمي التداول حتلاقين المؤشرات والرسم البياني حتلاقي الارباح الموزعه حتلاقين كل صغيره وكبيره عن السهم واضح بس انتي تتحكمي بقراراتك



واتكلم عن تجربه


الارباح اللي ربحت فيها كانت من قراراتي لنفسي وكل التوصيات اللي اخذتها من المنتديات كانت سبب في خساره وتعليقه بس الى متى راح اضل اخلي العالم تصرف علي اسهمها وتاخذ هي الربح



اجلسي وفكري مع نفسك واعملي تصفيه للاسهم الين تطلعين بمجموعه ممكن تتنقلين منها بالراحه لانك خلاص عرفتي مسارها وعرفتي فكرتها لو ينهد السوق كله لو تخسر الاسهم كلها انتي راضيه لانك عارفه متى تطلعين ومتى تدخلين



في فتره الفترات اتذكر كان السوق احمر وكل يوم يزيد في النزول والعالم تحذر واللي تعلق خلاص اتذكر واحد جزاه الله خير قال ناظري في محفظتك هل هي حمراء والا خضراء ومالك ومال السوق لو انتي ربحانه واسهمك ما تنزل ثابته خليك لو اسهمك لسى خضراء لكن فيه نزول اطلعي وارضي بالربح اللي عندك


فعلا محفظتي كانت خضراء وكانت ثابته يارب لك الحمد والشكر رغم ان العالم جالس تولول من الخساير


وفتره ما كنت ادخل وابي اضارب بشكل لحظي ويومي وابي اسوي مثل هالعالم اللي تقول ما انام والا وقروشي في محفظتي مافيه ولا سهم عندي ما تتخيلون الخساره كنت اشوف العالم اللي موصيتني في منتديات كبيره ومشهوره واشوفهم مبسوطين وانا ياربي دخلت معاهم بس ليش انا خسرااانه ليش ما اشوف الربح اللي هم يشوفونه اسئل محد بيرد علي الكل للاهي وبالاخير يقولونك وبالبنط العريض خلاص طلعنااا وينك انتي ودخلنا السهم الفلاني



هذي دردشه تداوليه اتمنى تكون وضحت بعض الالتباسات عند البعض انا ما اشكك في اي احد في المنتدى لكن انا احملك مسؤلية نفسك وقرارك




لو استفدتوو اتمنى الاقي دعوه صادقه في ظهر الغيب


والشي الثاني انا ما حرد على اي رسائل تسال في هذا الخصوص لانه اموال الناس من الصعب الكلام فيها ابد



احترامي لكم

نـــــــــــوال