تحسبت ع بنتي ودعيت عليها وعورني قلبي

السلام عليكم

بنات أنا بنتي الله يصلحها عمرها 17 وكثير ما ترفع ضغطي بقسوتها ع اخواتها الصغار وتصرخ عليهم وتطردهم عند الأكل أو إذا أكلوا من أكلها اللي تسويه لنفسها وفيه أمور كثيرة فيها شابة كبدي مررة

اليوم هاوشتهم وهددتهم إذا أخذوا من أكلها هي تطبخ لها أحيانن أشياء سبشل تنقق عليها ويوم أكلوا منهم اصااااااااااااارخت عليهم وقالت لهم انتم سوو لأنفسكم علما إن أخواتها أعمارهن 6 سنوات

وأنا من قبل أجمع لها بقلبي كثير شغلات فقدت أعصابي وقمت أهاوش أهاوش وأنا عصبية جدا فيني هالعيب الله يهديني أغيره قمت وتحسبت عليها بصوت عالي كم مرة ومن قلب وقلت روحي الله لا يردك من قلب :confused:
أول مرة في حياتي أسويها

الحين تعباااااانة مدري شسوي أستغفر أتوب مدري وش أسوي خايفة دعوتي توافق باب مفتوح :confused:

يارب رحمتك

ولا أدعي ربي ما يستجيب دعوتي

أنا دعيت وانتهيت
وخاااااايفة ع بنتي من دعوتي لأني دعيت من قلبي

ورجاء أنا تعبانة حييل لا أحد يأنبني

واللي عصبية وعالجت هالطبيعة تفيدني الله يخليكم