دائما نسمع بعقوق الوالدين لكن ماعمرنا سمعنا بعقوق الابناء
فيه ناس كثير تعاني من سؤ معاملت امهاتهم لهم لكن مايقدرون يشكون لحساسيت الموقف
علشان كذا كتبت موضوعي
ابي اقول للي يعانون عقوق الابناء انتم مش لحالكم فيه ناس كثير زيكم بس ماتدرون عنهم لان البيوت اسرار
ابي اقولهم مهما كانت معاملت امك لك فتاكدي ان امك في الاصل تحبك لكن امك من النوع الي مايحب يبين
حبه وعطفه لانه يعتقد ان هذا دليل على ضعف شخصيته او خوف من فقدان هيبته فيضطرون يحطون على وجيهم قناع من حديد
بالاضافه الى ذالك ردة فعلك من معاملت امك لك كأن تردي عليها الكلمه بعشر تزيد الطين بله
امك ماعاملتك كذا الا اكيد لانها كانت تعاني من شي في طفولته يمكن كانت امها كانت تعاملها كذا
عطيها عذر ولا تحقدي عليها
اصبري واحتسبي الاجر ولا تخسري الدنيا والاخره لا تقولين هي تعاملني كذا وانا مقدر اتحملها فتعقينها وبكذا تخسرين الاخره والدنيا لانك راح تتعذبين نفسين من سؤ معاملت امك وراح تكون حياتك جحيم
تحاشي الاشياء الي تثير زعلها على قد ماتقدرين لو تظطرين لتنازل عن اشياء تحبينها (من ترك شيء لله عوضه الله خيرا منه) <<<< والشي هذا في سبيل برها
اذا كانت زعلانه ابعدي عنها واذا كانت مروقه استغلي الموقف وقربي منها وحاولي تحسسينها انك تحبينها وتبين رضاها حتى لو ماعطتك وجه ماعليه اصبري
اهديها،، الهديه لها تاثير مثل السحر بمناسبه وبدون مناسبه اذا كبيره بالسن جيبي لها دهن عود او بخور فيه منها اسعارها ماتتعدا ال25 ريال <<< وموجده عند البساطات وريحتها خيال
يمكن تضحك عليك او تردها لك بس ماعليه اشوي اشوي بتلين
يمكن هذي الافكار تخفف اشوي من حدة العداوه الي بينكم
حبيبتي تذكري ان هذي امك والجنه تحت اقدام الامهات
تاكدي ان امك تحبك بس ماتعرف تعبر عن حبها لك
تاكدي انها قبل ماتنام تحس بتانيب الضمير علشان كلمه قالتها لك اويمكن على مديدها عليك
بس اذا جاء الصباح بتحس انها اذا اعتذرة او لانت بتكون قللة من هيبتها فترجع لكبرياها
خلي صدرك وسيع وتقبلي امك بعيوبها يمكن تكون هي السبب في دخولك للجنه
همسه/ تاكدي ان هذي الشي ابتلاء من الله والله اذا حب عبده ابتلاه علشان يمتحن صيره ويجازيه عليه
تاكدي انه باذن الله اجرك راح يكون مضاعف في برك لامك لانها تظلمك وانت تبرينها لا تحرمين نفسك الاجر
الحمد لله العلاقه الي بيني وبين امي ممتازه بس لي صديقه تشكي من امها لدرجة اني احيانا احس انها زوجة ابوها مو امها كان الله في عونها هي واخواتها
اتمنى من الي قرو موضوعي وحسوا انه لامس شي من مشاعرهم اوخفف شوي عنهم انهم يدعون لي
بأن الله يذوقني بر عيالي ويفتح لي ابواب رزقه ويحسن لي فالدنيا والاخره