تحسين كل شي ضدك والدنيا سودا بعيونك ؟ طيب تعالي اغيرك اجتماعيا وداخليا وخارجيا

السلام عليكم ورحمة الله وبركاتهكثير منكم مثلي الدنيا سودا بعيونها وتحس ان مالها اَي قيمة بالمجتمع ومحد يحس فيها وكل شي ضدها لازواج لا وظيفة .. جلست مع نفسي جلسة طويلة وحاولت ألقى مخرج من اللي أنا فيه وامس قبل لا انام نويتها ويارب لك الحمد صحيت من نومي وحدة ثانية بس بمجرد التفكير مابعد اطبق.. وكلكم أكيد مثلي ماتحبون المقدمات عشان كذا ابعطيكم خطتي اللي ابصير فيها وحدة ثانية تماماً واللي ان شاء الله لاجا يوم العيد بتشوفين الفرق وش كنتي ووش صرتيالخطة كالتالي : اولا كل شي انويه لرضا الله ولمغفرته ورحمته وسامحي من داخلك كل من اغتابك وظلمك وتكلم فيك بعلمك ودون علمك وكل من اساء لك الصلاة بوقتها .. لما يكون عندنا موعد أو دوام ليش نقوم بالوقت ؟ نخاف من عقوبة وخصم ومانخاف من رب العالمين ؟ صدقيني لالتزمتي فيها بالوقت تتغير حياتك كليا الزمي كمان الصلاة الإبراهيمية والاستغفار والحوقلة ( لاحول ولا قوة الا بالله ) والصدقة ولوبابتسامة أو ماء للطيور أو خبز يابس حطينا على الشباك وتنوينه خالص لوجه الله ومن ثم لتيسير امورك وايضاً يابنات بعد كل صلاة قراءة لو صفحة من القران حتى لا نكون هاجرين وبحاول قدر الإمكان اقرأ سورة البقرة يوميا لتحصين نفسي والبيت وأخذ بركتها مع النوافل والسنن وقيام الليل والضحى والدعاء بالسجود بكل ماتمنيت وتحري أوقات الإجابة ( هاذي العناية اليومية الروحية الداخلية ) خارجيا جهزت أشياء عشان يوم يجي العيد أكون منورة من الداخل والخارج اول شي ابشرب اقل شي لترين موية يوميا ويوم بعد يوم صنفرة لكل الجسم وترطيبه وعناية بوجهي واسناني وأظافري وابتسخدم صابونة الكركم يوميا قبل النوم وبعدها ارطب جسمي عليها مدح كثير وابي استخدم ماء الورد للوجه والجسم ورح أخفف حلويات لأني ابي انزل كم كيلو وعناية بالشعر من شامبو وبلسم وماسكات ( أعطوني وش عندكم افكار وخلطات للعناية نفيد ونستفيد ) اخيراً متفرقات نسويها احتسبي فيها الأجر / ترتيب المنزل مع الأهل المساعدة بدون مقابل كل طبخة أو حلا تسوينه اعتبريه صدقة لوجه الله ذكري اهلك بمواعيد الصلاة اذا اذن مثلا اسقي الماء بدون مقابل ابتسمي والله يابنات الدنيا أبد ماتسوى وعيشي حياتك بدون ماحد يكدرك وطنشي وعيشي بسلام وبتشوفين الدنيا تضحك لك وانتي أساسا مرتاحة اخر نقطة الجوال ( عشان ارتاح نفسيا مع البرنامج أخذت المهم من الأسماء والارقام والصور اللي ابيها ورح اسوي اعادة برمجة للجهاز واطهره من الغيبة والنميمة وكل من تكلمت فيه بمحادثة وكل مسلسل تابعته ابيه جديد كني ماطلعته من علبته واببدا حياة جديدة ) دعواتكم لي