.. امل .. @aml_50
عضوة فعالة
تحسين نفسك << طـيـبـه >> بزيـــادهـ ؟؟ •• •• •• •• •• ••
الأشخاص اللطفاء يحاولون إرضاء متطلبات الآخرين، دون أن يؤذوا مشاعرهم،
ودون أن يفقدوا أعصابهم.
وعندما يهاجمهم الآخرون بغير تعقل، يحافظون على لطفهم وهدوئهم.:09:
الأشخاص اللطفاء كلّما أمعنوا في التصرف بهذه النوايا الحسنة، ومساعدة الآخرين،
وتحدثوا وتصرفوا بكل هذا المستوى الرائع من اللباقة، ينتابهم شعور بعد ذلك بالإرهاق والإحباط و عدم الثقة بالنفس:44:.
هذه السلوكيات التي يسلكها الأشخاص اللطفاء بنية حسنة ، وبطريقة معتادة لديهم،
تؤثر بطريقة عكسية على علاقاتهم، و تنتزع البهجة من حياتهم.
ويوماً بعد يوم تعترض هذه السلوكيات طريقنا، تصيبنا بالجنون، وتسرق وقتاً و طاقة ثمينتين
هما أثمن ما نملك..
وتلخص هذه السلوكيات بتسعة أخطاء ذات نتائج عكسية،
وهي جديرة بالاهتمام لأننا بقليل من التفكير والجهد نستطيع التوقف عن فعلها:
• أن نحرر أنفسنا من الالتزام بما يتوقعه الآخرون منا مما لسنا مقتنعين به.
مثلا..
انتي طـالعه مع نـاس للنزهه ... انتي الموظفه الوحيده بين الموجودات :42: ..
انتي حاطه فـ بالك انك راح تدفعين اكثر منهم .. مو لأنك مقتنعه .. بس لأنهم حاطين فبالهم كذا .. وبيتشرهون عليك :(
بس بينك وبين نفسك .. تشوفين حالتهم الماديه حـلوهـ وماعليهم قاصر وانتي عندك التزامات مو مظطره تشرحينها لهم ..
المطلوب :
ادفعي اللي مقتنعه فيه .. مو اللي يبونك تدفعينه ..
• أن نقول: لا، عند الضرورة، وأن نقي أنفسنا من تحمُّل ما لا تطيق. مثلا ..
فيك نوم وتعبـااااااااااانه حيييييييل , طلبت منك زوجة اخوك تمسكين عيالها لان عندها سهرهـ :icon28:
واذا جلستي معهم راح ترهقين نفسك كثير وبتتنكدين مـررررهـ ..
المطلوب :
اعتذري منها بلباقه .. قولي .. والله كان ودي .. بس قوهـ تعبانه ومو طايقه حالي ..
• أن نخبر الآخرين بما نريده منهم، وأن نتلقاه فعلاً.
مثلا :
زوجـك ما يعطيك مصروف كويس .. وانتي عارفه وضعه وانه يقدر يزود لك شوي ...
بس ساكته لانه يعاملك زين .. او لانك تستحين .. او خايفه ..
المطلوب :
تكلمي بصراحه .. قولي بصراحه المصروووف مررره قليل ..
مايكفي شي .. والحمدلله الخير كـثير .. مو ضار اذا زودتني كم ميه .. انت لمين تشتغل .. مو لزوجتك حبيبتك !
اقنعيه .. ممكن ماعندهـ مانع .. بس سكوتك هو اللي مخليه يتبلد ناحيتك ..
حبي نفسك علشان غيرك يحبك ..
• أن نعبر عن غضبنا بطريقة تداوي، وتصون علاقتنا.
مثلا ..
زوجك تأخر ما رجع البيت وانتي مرتبه لكم سهرهـ وماتوقعتيه يتأخر ..
بتسكتين وتنامين .. خوف .. خجل .. طيبه ..
بس بتزعلين من جواتك وتكتمين احساسك ..
ويوم ورا يوم يتراكم هالزعل وتنفجرين وينهدم كل شي ...
المطلوب:
حطي احتياطات .. اسأليه اذا بيتأخر او لا .. علشان تكون عندك حجه ..
دقي استعجليه ..
بعدها لو تأخر .. ازعلي عليه .. وتكلمي بصراحه ..
انا احبك ومرتبة لك سهره وتأخرت علي وتركتني انتظرك .. والمشكله انك مأكد لي انك بترجع بدري ..
خلاص ماعاد ابي شي اهئ اهئ :icon33: ... وهو بيخق على طول .. ويحطك فباله قبل يتأخر :42:
• أن نستجيب بصورة فعالة حين يهاجمنا الناس أو ينتقدوننا بلا تعقل.
مثلا :
ام زوجك .. قالت لك قدام جمعة نسوان ( قومي شوفي وين ولدك .. تضحكين والولد ماندري وينه و..و.... الخ )
ممكن تطنشينها .. وممكن تقولين هو ولدي وانا ادرى .. وممكن كلمه منك وكلمه منها وتندلع حرب :angry:
المطلوب :
استقبلي كلامها بابتسامه كبيرهـ وهدوء غير مصطنع ..
وبرحابة صدري قولي .. اكيد بيكون يلعب مع الصغار ..
اذا شفتيها مصرهـ ..
قومي بهدوء مع ابتسامه .. وروحي شوفيه .. واذا رجعتي خلي الحق عليها ..
وقولي ( ماعليه خلاف .. يلعب مع الصغار .. كلهم برا يلعبون معه )
• أن نخبر أصدقاؤنا بالحقيقة حينما يخذلوننا.
مثلا :
صديقتك كذبت عليك .. يمكن ماودها تعلمك الصدق وممكن خايفه تتكلمين .. وممكن لمصلحتها ..
وانتي عرفتي بس سكتي .. ماقدرتي تواجهينها ولا انتي بالعتها بعد موقفها ..
المطلوب ..
واجهيها .. قولي .. بالنسبه للسالفه كذا وكذا .. انا متأكدهـ انك ماقلتي لي الصدق ..
وماتوقعتك تكذبين علي .. مو شي عادي ان صديقتي تكذب علي ..
واسمعي منها ... عجبك تبريرها (طاح الحطب ) .. ماعجبك .. عامليها برسميه وانسحبي ..
• أن نهتم بالآخرين دون تحمل عبء محاولة إدارة حياتهم.
مثلا :
صاحبتك الجديدهـ بشرتها مره مندمرهـ .. وانتي قطنه ماشاء الله ..
ممكن تقولين لها عن علاجات جربتيها .. وطريقتك بالاهتمام ببشرتك ..وتسردين سلسلة تجاربك بهالمجال
بدون ماهي تسألك
المطلوب :
لا تفاتحينها بدون ماهي تسأل .. علشان ماتجرحينها .. واذا كان ولا بد .. فـ ممكن تعطينها كريم نافع وتجربتك معه وتوضحين لها انك ماتدخلتي الا لأنك تحبينها ..
أما انك تجيبين الأول والتالي وتجيبين كراتين ادويتك وتكتبين لها جدول وتتابعين استمرارها ع العلاج ..
فـ بليز وقفي .. لاتديرين حياة أحـد
• أن نساعد أصدقاءنا وأحباءنا الذين يميلون لتدمير أنفسهم على أن يستعيدوا صحتهم النفسية.
مثلا :
بنت خالتك ترتاح لك .. وبدت تتكلم لك عن علاقتها بشاب وانها تحبه وتموت فيه ..
ومن كلامها لاحظتي انها قوه متعلقه فيه وما ينفع تقولين لها اتركيه ..
وكمان لاحظتي انها متغيره وحبها له صار كبير .. ويوازي حبها لخالقها ..
وصعبه تقولين لها اللي فـ بالك .. ماتبين تخذلينها وهي تثق فيك ...
المطلوب :
شوي شوي .. وبدون ماتحس .. قولي لها قصص عن بنات وعلاقاتهم ..
خوفيها .. قولي انا افكر لو خالتي كشفتك كيف بتكون نظرتها لك ..
احرصي تذكرينها بدينها وربها .. لحد ماتحسينها توازنت وصحت لنفسها :icon28:
• أن نشعر بأهليتنا، ونفعنا عند مواجهة الألم، والحزن.
اغلب الطيبين يشوف نفسه وحيد اذا صابه حزن لانه انسان غير متطلب ...
لذلك المطلوب .. اننا نعرف كيف نلقى مين يوقف جنبنا ومين نشتكي له ونفضفض له بعد الله سبحانه وتعالى ...
النساء
تعاني ضغوطاً اجتماعية أكبر مما يعانيه الرجال كي يكن لطيفات،
وأن معظم الناس يعتقدون أن الرجال لا يملكون المستوى نفسه من لطف النساء،
ولكن سواء كنت رجلاً لطيفاً، أو امرأة لطيفة فمن المحتمل أنّك تكرر الوقوع في هذه الأخطاء التسعة
مما يلحق بك الضرر.
هذا و استغفر الله لي .. ولكم .. واتوب اليه .. :26:
( المرجع : كتاب لا تكن لطيفا أكثر من اللازم للكاتب ديوك روبنسون )
27
2K
يلزم عليك تسجيل الدخول أولًا لكتابة تعليق.
Ghost R
•
أعجبني الكلام كلام واقعي ومنطقي ويوجع في نفس الوقت الله يسدد خطاك حبيبتي وشكرا على النقل
صححححححححححححح الكلام راااااااااااائع
والله دخل قلبي و علمني كيف اتصرف
وان شاء الله ببدأ اتصرف زي ماهو مكتوب
والله دخل قلبي و علمني كيف اتصرف
وان شاء الله ببدأ اتصرف زي ماهو مكتوب
موضوع رائع كان دايما اخي الحبيب يقوللي اعطي بلا حدود وبلا مقابل لكن تعلمي ان تقولي لا في الوقت الذي لا تريدي ان تفعلي فيه شيء معين
وهذا هو خلاصه كلامك
وهذا هو خلاصه كلامك
الصفحة الأخيرة